1 Timothi 5:6 - An Bibel Kernewek 20234 (Kernewek Kemmyn)

⁶ Mes neb a vew yn plesour yw marow kyn fo hi hwath yn few.

1 Timothi 5:6 Iomraidhean Croise

Jenesis 2:17

Mes a wydhenn an godhvos a dha hag a dhrog ny wre'ta dybri, rag y'n jydh may tybrydh anedhi ty a wra merwel yn surredi.’

Lavarow Koth 29:21

Neb a jersh y servyas a'y flogholeth, a'n kyv tont wortiwedh.

Ysay 22:13

Hag otta yma joy ha lowender, ladha chatel ha ladha deves, dybri kig hag eva gwin; ‘Dybryn hag evyn, rag a-vorow ni a verow’.

Ysay 47:1

Deus yn-nans hag esedh y'n doust, A wyrghes, myrgh Babylon! Esedh war an dor heb tron, myrgh Kaldea! Rag ny'th henwir na fella tender ha bleudh.

Yeremia 6:2

My re hevelebis myrgh Sion dhe beurva fethus.

Kynvannow 4:5

Myns a'n jevo sandow denti seuladhydh a dhe goll y'n stretys, myns a veu meythrys war goghlin a len orth teylegi.

Matthew 8:22

Mes Yesu a leveris dhodho, ‘Ty gwra ow holya, ha gas dhe'n re varow ynkleudhyas aga thus varow aga honan.’

Luk 12:19

ha my a lever dhe'm enev, Ty enev, yma dhis pythow lower gorrys yn gwith rag lies blydhen; gwra powes, dybri, eva, ha bos lowen.”

Luk 15:13

Ha nebes dydhyow a-wosa, an mab yowynka a guntellas pup-tra war-barth ha mos yn hyns bys yn bro bell, hag ena ev a skoellyas y substans, ow pewa lows.

Luk 15:24

rag ow mab ma o marow ha re vewas arta; kellys o, ha trovys yw.” Hag i a dhallathas goelya.

Luk 15:32

Mes lemmyn res yw ni dhe vos lowen ha heudhik; rag dha vroder ma a veu marow ha re vewas arta; kellys o, ha trovys yw.” ’

Luk 16:19

‘Yth esa den rych, neb a omwiska yn purpur ha sendal, ow kevewya yn splann pub dydh oll.

Luk 7:25

Mes pandra ethewgh dhe-ves dh'y weles? Den gwiskys yn dillas medhel? Otta, tus gwiskys yn dillas splann hag ow pewa attes, ymons yn chiow myghternedh.

Efesianys 2:1

Ha hwi a veu marow yn agas drogoberow ha'gas peghosow

Efesianys 2:5

hwath pan en ni marow yn drogoberow, a wrug dhyn bewa war-barth gans Krist (hwi re beu selwys dre ras),

Efesianys 5:14

rag pup-tra a veu diskwedhys yw golow. Rakhenna, leverys yw, ‘Sav, ty neb a gosk, ha sav yn-bann mes a'n re varow, ha Krist a re dhis golow.’

Dewteronomi 28:54

An gour medhel yn agas mysk ha pur vleudh a dreyl erbynn y vreder, ha'y wreg ger, ha war remenant y vebyon a vydh gesys,

Dewteronomi 28:56

An venyn vedhel ha bleudh yn agas mysk neb na vedh gorra hy godhen war an dor drefenn medhelder ha bleudhder, a dreyl erbynn gour hy askra, ha'y mab, ha'y myrgh,

Kolossianys 2:13

Ha hwi neb a veu marow yn kammweythresow ha heb trodreghyans a'gas kig, ev a wrug dhywgh bewa war-barth ganso, ow kava dhyn an kammweythresow oll,

2 Timothi 3:6

Rag yn mysk an re ma, yma an re a dheu a-bervedh yn chiow yn unn slynkya ha kemmeres benynes foll yw beghys gans peghadow ha hembrenkys dre hwansow a lies eghenn,

Jamys 5:5

Hwi re vewas yn es hag yn plesour war an dor; hwi re vagas agas kolonn yn dydh ladhva.

Diskwedhyans 18:7

Kepar dell wrug hi omwordhya ha bewa yn rychys, yndellma rewgh dhedhi payn hag ahwer, rag hi a leveris yn hy holonn, “My yw esedhys myghternes, ha nyns ov vy gwedhwes, ha ny welav ahwer.”

Diskwedhyans 3:1

‘Ha dhe el an eglos yn Sardis skrif: An taklow ma a lever neb a'n jeves an seyth Spyrys a Dhuw, ha'n seyth sterenn: ‘My a aswonn dha wriansow. Yma hanow genes ty dhe vewa, mes marow osta.

1 Samuel 15:32

Ena Samuel a leveris, ‘Dro Agag myghtern Amalek omma dhymm.’ Hag y teuth Agag dhodho yn kargharow. Agag a leveris, ‘Yn sur hwerowder mernans yw tremenys.’

1 Samuel 25:6

Salusewgh ev yndella: “Kres dhis, ha kres dhe'th chi, ha kres dhe oll a bewos.