1 Timothi 5:3 - An Bibel Kernewek 20234 (Kernewek Kemmyn)

³ Gwra enora gwedhwesow yw gwedhwesow yn hwir.

1 Timothi 5:3 Iomraidhean Croise

Job 29:13

An dus esa ow merwel a'm benniga, ha my a wre dhe golonn an wedhwes kana.

Job 31:16

‘Mar skonis hwansow an voghosogyon, po gul dhe dhewlagas an wedhwes fyllel,

Salmow 146:9

An Arloedh a with an alyons; ev a skoedh an omdhivas ha'n wedhwes, mes fordh an debeles ev a dhomhwel.

Salmow 68:5

Tas dhe'n omdhivasow, ha breusyas an gwedhwesow, yndella yw Duw yn y drigva sans.

Salmow 94:6

I a ladh an wedhwes ha'n alyon, ha moldra an re omdhivas.

Eksodus 20:12

Enor dha das ha'th vamm, may fo hir dha dhydhyow y'n tir usi an Arloedh dha Dhuw orth y ri dhis.

Yeremia 49:11

Gas dha omdhivasow, my a's gwith yn few; ha gas dha wedhwesow dhe fydhya ynnov.

Matthew 15:6

nyns yw ev synsys dhe enora y das na'y vamm; ha hwi a dhile ger Duw der agas hengov.

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Luk 2:37

ha hi gwedhwes bys peswar bloedh ha peswar-ugens, neb na dhiberthi dhiworth an tempel, ow servya Duw gans penys ha pysadow dydh ha nos.

Luk 7:12

Ha pan dheuth nes dhe yet an sita, awotta den re varwsa neb eses orth y dhoen yn-mes, an unn vab a'y vamm, ha hi gwedhwes, hag yth esa routh veur a'n sita gensi.

Yowann 1:47

Yesu a welas Nathanael ow tos dhodho hag yn-medh ev anodho, ‘Awotta Ysraelyas yn hwir, ma nag eus ynno gil!’

Oberow 6:1

Lemmyn y'n dydhyow ma, ha niver an dhyskyblon ow kressya, yth esa krodhvol gans an Hellenistyon war an Ebrowyon, drefenn bos aga gwedhwesow gesys a-denewen y'n lesrannans pub dydh oll.

Oberow 9:39

Ytho Peder a sevis yn-bann ha mos gansa; pan dhothya, i a'n ledyas yn-bann dhe'n stevell wartha, ha'n gwedhwesow oll a sevis rybdho, owth oela hag ow tiskwedhes krysyow ha dillas re wrussa Dorkas ha hi gansa.

Oberow 9:41

Hag ev a ros dhedhi y leuv ha'y drehevel; hag ow kelwel an syns ha'n gwedhwesow, ev a's diskwedhas yn few.

Dewteronomi 10:18

ow kul gwirvreus dhe'n omdhivas ha'n wedhwes, hag ow kara an alyon, ow ri dhodho bara ha dillas.

Dewteronomi 14:29

ha'n Levyas (na'n jeves kevrenn nag eretons genes), ha'n alyon, ha'n omdhivas, ha'n wedhwes usi y'th yetys a yll dos ha dybri ha bos lenwys, rag ma'th vennikko an Arloedh dha Dhuw yn pub lavur a'th leuv a wredh.

Dewteronomi 16:11

Ty a lowenha a-rag an Arloedh dha Dhuw, ty, ha'th vab, ha'th vyrgh, ha'th was, ha'th vaghteth, ha'n Levyas usi y'th yetys, ha'n alyon, ha'n omdhivas, ha'n wedhwes usi yntredhowgh y'n tyller a wra an Arloedh dha Dhuw y dhewis, dhe wul dh'y hanow triga ena.

Dewteronomi 16:14

Lowenha y'th ty'goel, ty ha'th vab, ha'th vyrgh, ha'th was, ha'th vaghteth, ha'n Levyas, ha'n alyon, ha'n omdhivas, ha'n wedhwes usi y'th yetys.

Dewteronomi 27:19

‘Mollothek yw ev neb a dreyl dhe-ves gwirvreus dhiworth an alyon, an omdhivas, ha'n wedhwes.’ Ena oll an bobel a lever, ‘Amen.’

1 Thessalonianys 2:6

Ny wrussyn hwilas gordhyans dhiworth mab-den, na dhiworthowgh hwi na dhiworth tus erell,

1 Timothi 5:2

benynes kottha avel mammow, benynes yowynka avel hwerydh gans pub glander.

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.

1 Peder 2:17

Gwrewgh enora pub den oll, kara an brederedh, Duw, enora an emperour.

1 Peder 3:7

Y'n keth vaner an wer, gwrewgh kesvewa gansa yn konvedhes, ow tiskwedhes enor dhe'n wreg avel dhe'n gwanna lester, kepar ha dhe heryon genowgh ynwedh a'n ras a vewnans, ma na vo lettys agas pysadow.