1 Timothi 5:17 - An Bibel Kernewek 20234 (Kernewek Kemmyn)

¹⁷ Bedhes tybys gwiw ri enor dewblek dhe'n henavogyon a rewl yn ta, dres oll an re a lavur yn ger hag yn dyski.

1 Timothi 5:17 Iomraidhean Croise

2 Myghternedh 2:9

Pan esens ow mos a-dreus, y leveris Elias dhe Elisha, ‘Lavar dhymm an pyth a allav y wul ragos kyns ow bos kemmerys a-dhiworthis.’ Elisha a leveris ‘My a'th pys, re bo warnav rann dhewblek a'th spyrys.’

Ysay 40:2

Kewsewgh orth kolonn Yerusalem, ha gelwewgh dhedhi hy gonis dhe vos gorfennys, ha tylys kessydhyans hy hammweythres, rag hi re dhegemmeres a dhorn an Arloedh dewgemmys rag oll hy feghadow.

Yeremia 16:18

Hag yn kynsa my a attal rag aga hammhynseth ha'ga fegh yn tewblek; drefenn i dhe dhefola ow thir gans korfow aga idolys, ha lenwel ow eretons gans aga thaklow kasadow.

Yeremia 17:18

Bedhens methek an re a'm helgh, mes na'm gas vy dhe vos methek: gas i dhe vos dyegrys, mes na as vy dhe vos dyegrys; dro warnedha dydh an drogedh ha'ga distrui gans distruyans dewblek.

Zekaria 9:12

Dehwelewgh dh'agas skons, prisnoryon govenek; hwath hedhyw my a dheriv y restoryav dewblek dhis.

Niverow 18:31

ha hwi a yll y dhybri yn pub tyller pynag, hwi ha'gas tiogethyow; rag yth yw agas gober rag agas servis yn tylda an kuntelles.

Matthew 24:25

Otta, my re'gas gwarnyas a-rag dorn.

Luk 10:7

Gortewgh y'n keth chi na ow tybri hag owth eva pypynag a rollons, rag gwiw dhe'n oberwas yw y arveth. Na wrewgh sommys a unn chi dhe ji arall.

Luk 12:42

Ha'n Arloedh a worthybis, ‘Piw ytho yw an rennyas lel ha doeth neb a re an mester dhodho charj a'y servysi dhe ri dhedha aga ewnrannow y'n seson ewn?

Yowann 4:38

My a'gas dannvonas mes dhe vysi an pyth na wrussowgh lavurya ragdho; re erell a lavuryas ha hwi re dheuth yn aga lavur.’

Oberow 11:30

Hag yndella i a'n gwrug, ow tannvon dhe'n henavogyon dre leuv Barnabas ha Sowl.

Oberow 20:35

Yn pup-tra my a dhiskwedhas dhywgh, y telledh, ow lavurya yndella, sokra an re wann ha perthi kov a eryow an Arloedh Yesu, dell leveris ev, “Moy gwynnvys yw ri ages degemmeres.” ’

Oberow 28:10

I a'gan enoras yn lies fordh, ha pan en ni parys dhe woelya i a worras a-bervedh an taklow mayth esa edhomm dhyn.

Romanyon 12:8

neb a gennerth, re gennertho neb a gevrenn, re gevrenno yn sempledh; neb a hembronk, re hembronko yn tiwysyk; neb a dhiskwa tregeredh, re bo gans lowena.

Romanyon 15:27

Rag da o gansa ha kendonoryon dhedha yns, rag mar kevrenna an kenedhlow gansa yn aga thaklow spyrysel, y tegoedh dhedha ynwedh yn taklow a'n kig menystra dhedha.

Romanyon 16:12

Salusewgh Tryfena ha Tryfosa an re ow lavurya y'n Arloedh. Salusewgh Persis an garadow, neb a lavurya meur y'n Arloedh.

1 Korinthianys 15:10

mes dre ras Duw yth ov vy an pyth hag yth ov, ha nyns o euver y ras orthiv. Yn kontrari, my a lavuryas yn kreffa agessa oll, kyn nag o my, mes gras Duw usi genev.

1 Korinthianys 16:16

my a'gas ynni may fowgh gostydh dhe dus a'n par na, ha dhe bub kesoberer ha lavuryer.

1 Korinthianys 3:9

Rag ni yw kesoberoryon Duw; hwi yw park gonedhys Duw, drehevyans Duw.

2 Korinthianys 6:1

Ha ni ow kesoberi, ni a'gas pys ma na dhegemmerrowgh gras Duw yn euver;

Galatianys 6:6

Neb yw katekumenus y'n ger, kevrennes gans an dyskador yn pup-tra yw da.

Dewteronomi 18:8

I a dheber kevrennow kehaval, war-barth gans an prow dhiworth gwerth eretons y dasow.

Filippianys 2:16

ow synsi fast an ger a vewnans, may hylliv bostya yn dydh Krist na wrug vy poenya yn euver na lavurya yn euver.

Filippianys 2:29

Rakhenna degemmerewgh ev y'n Arloedh gans lowena oll, ha gwrewgh enora tus a'n par na,

Filippianys 4:3

Dhe wir, my a'th pys ynwedh, a yew-was len, may hweressi an benynes a lavuryas genev y'n aweyl, gans Klemens ynwedh ha'm kesoberoryon erell, neb usi aga henwyn y'n lyver a vewnans.

1 Timothi 3:5

Den mar ny woer rewlya y vayni ev, fatell wra gwitha eglos Duw?

1 Timothi 4:10

Dhe hemma ni a lavur ha strivya, rag yma agan govenek y'n Duw bew, neb yw an Selwador a bub den, hag a gryjygyon dres oll.

1 Timothi 4:14

Na wra dispresya an ro usi ynnos a veu res dhiso dre brofoesans gans gorra diwla an henavogyon warnas.

1 Timothi 4:16

Bydh war a-dro dhiso jy dha honan, hag a-dro dhe'th tyskas; gwra pesya ynna i, rag, ow kul yndella, ty a wra omselwel, ha selwel ynwedh dha woslowysi.

1 Timothi 4:6

Mar profydh an taklow ma dhe'n vreder, gwas da dhe Grist Yesu vydhydh, megys gans geryow an fydh ha'n dyskas da re siwsys.

1 Timothi 5:19

Na wra degemmeres kuhudhans erbynn henavek marnas war lavar dew po tri dustunier.

1 Timothi 5:3

Gwra enora gwedhwesow yw gwedhwesow yn hwir.

2 Timothi 2:6

Dhe'n tiek ow lavurya y koedh dhodho kavoes an kynsa rann a'n drevas.

2 Timothi 4:2

pregoth an ger; bydh ter, da po drog kyn fo an seson; gwra keredhi, keski hag ynnia gans pub hirwodhevyans ha dyskas.

Ebrowyon 13:17

Bedhewgh gostydh dh'agas hembrenkysi hag uvel dhedha; rag ymons i ow kwitha war agas enev, avel tus a goedh ri akont; gesewgh i dhe wul hemma yn lowen, heb kyni yn tristans, rag ny via henna dh'agas les.

Ebrowyon 13:24

Salusewgh agas hembrenkysi ha'n syns oll. An re a Itali a'gas salus.

Ebrowyon 13:7

Perthewgh kov a'gas hembrenkysi, an re a gewsis ger an Arloedh dhywgh; prederewgh a siwyans aga bewedh ha gul war-lergh aga fydh.