1 Timothi 4:3 - An Bibel Kernewek 20234 (Kernewek Kemmyn)

³ I a dhifenn demmedhyans hag a worhemmynn omwitha rag boes a veu gwrys gans Duw dhe ranna gans grasyans yntra kryjygyon, ha'n re re wodhva an gwir

1 Timothi 4:3 Iomraidhean Croise

Jenesis 9:3

Pup-tra ow kwaya hag a vew a vydh boes ragowgh. Kepar ha'n losow glas, my re ros dhywgh pup-tra.

Ekklesiastes 5:18

My re welas ow honan pandr'yw gwiw ha teg rag mebyon den dh'y wul – dhe dhybri hag eva ha lowenhe yn aga ober kales a wrons i dhe oberi yn-dann an howl, dres an nebes dydhyow a'ga bewnans re ros Duw dhedha, rag hemm yw aga rann.

Daniel 11:37

Ny wra vri orth duwow y dasow, na hwath orth an duw kerys gans benynes, nag orth duw arall vytholl, rag a-ughta i oll ev a omvoghha.

Matthew 14:19

Ena yth erghis dhe'n routhow esedha war an glaswels ha wosa ev dhe gemmeres an pymp torth ha'n dhew bysk ha mires yn-bann dhe nev, ev a vennigas ha terri, ha ri an torthow dhe'n dhyskyblon, ha'n dhyskyblon a's ros dhe'n routhow.

Matthew 15:11

Nyns yw an dra hag a wra mos a-bervedh y'n ganow a dhefol den, mes an dra hag a dheu yn-mes a'y anow – henna a wra defola den.’

Matthew 15:36

ha wosa ev dhe gemmeres an seyth torth ha'n puskes, ev a ros gras ha'ga therri, ha'ga ri dhe'n dhyskyblon, ha'n dhyskyblon dhe'n routhow.

Luk 24:30

Hag y hwarva, pan o ev esedhys gansa orth an voes, y kemmeras bara, ha benniga, ha terri, ha ri dhedha.

Yowann 6:23

Mes gorholyon erell a dheuth dhiworth Tiberias, ogas dhe'n tyller may tyb'sens an bara, wosa an Arloedh dhe ri grasow.

Oberow 27:35

Pan lavarsa an taklow ma, ev a gemmeras bara, a ros grasow dhe Dhuw a-ragdha oll, a'n torras hag a dhallathas dybri.

Romanyon 14:17

Rag nyns yw gwlaskor Duw dybri nag eva mes ewnder ha kres ha lowender y'n Spyrys Sans;

Romanyon 14:3

na wres neb a dheber skornya ev neb na dheber, ha na wres neb na dheber breusi ev neb a dheber, rag Duw re'n degemmeras.

Romanyon 14:6

Neb a syns dy'goel, dhe'n Arloedh y'n syns, ha neb a dheber, dhe'n Arloedh y teber rag yth aswonn gras dhe'n Arloedh; ha neb na dheber, ny dheber ev dhe'n Arloedh hag ev a aswonn gras dhe Dhuw.

1 Korinthianys 6:13

‘Boes rag an benn-gasenn, ha'n benn-gasenn rag boes’, ha Duw a dhistru ha'n eyl ha'y gila. Nyns yw an korf rag fornikasyon mes rag an Arloedh, ha'n Arloedh rag an korf.

1 Korinthianys 7:28

Mes mar temmedhydh, ny beghydh, ha gwyrghes mar temmedh, ny begh. Byttegyns an re a dhemmedh a's teves poenvos y'n kig, ha'gas gwitha rakhenna a vynnsen.

1 Korinthianys 8:8

Boes ny wra agan kommendya dhe Dhuw; nyns on ni gweth mar ny dhybryn na gwell mar tybryn.

Kolossianys 2:16

Ytho, na wres denvyth agas breusi a-dro dhe dhybri nag eva, nag y'n mater a dy'goel na loer nowydh na sabot,

Kolossianys 3:17

Ha pup-tra oll a wrewgh yn ger po yn gwrians, gwrewgh pup-tra yn hanow an Arloedh Yesu, ow krassa dhe Dhuw an Tas dredho ev.

1 Timothi 2:4

neb a vynn tus oll dhe vos selwys ha dhe dhos dhe aswonnvos an gwir.

1 Timothi 4:4

Rag da yw pub kreatur a Dhuw, ha nyns yw res gorra travyth dhe-ves, mars yw degemmerys gans grasyans,

1 Timothi 5:14

Ytho, my a vynn an re yowynka dhe dhemmedhi, dineythi fleghes, ha bos mestres chi, na vo ken dhe eskar dh'agan kabla.

Ebrowyon 13:4

Bedhes priosoleth synsys yn enor gans peub, ha bedhes andhefolys gweli an demmedhyans; rag Duw a vreus an re dhijast ha'n avoutroryon.

Ebrowyon 13:9

Na vedhewgh kemmerys a-denewen gans divers dhyskasow ankoth; rag da yw may fo krevhes an golonn dre ras, yn le dre boesow na veu dhe les dhe'n re a wra devnydh anedha.

1 Samuel 9:13

Kettell dhewgh a-bervedh y'n sita, hwi a'n kyv, kyns ev dhe vones yn-bann dhe'n tyller ughel dhe dhybri. Rag ny vynn an bobel dybri erna dheffo, drefenn ev dhe venniga an sakrifis; ha wosa henna an re neb yw gelwys a dheber. Ha lemmyn kewgh yn-bann, rag a-dro dhe'n termyn ma hwi a'n kyv.’