1 Timothi 3:8 - An Bibel Kernewek 20234 (Kernewek Kemmyn)

⁸ Yn kepar maner, res yw dhe dhyagonyon bos sad, heb taves dewblek na hwansek dhe eva re a win na kraf rag gwayn diveth,

1 Timothi 3:8 Iomraidhean Croise

Salmow 12:2

I a lever euveredh, pub den gans y hynsa; gans gweus fekyl ha kolonn dhewblek y kowsons.

Salmow 5:9

Rag nyns eus lelder yn aga ganow; aga holonn yw leun a spit. Aga lonk yw logel igor, i a fekyl gans aga thaves.

Salmow 50:19

‘Ty a ros dha anow dhe sherewneth, ha'th taves a dhevis toell.

Salmow 52:2

Dha daves a breder terroes, yth yw avel altenn lymm, ow kul falsuri.

Ezekiel 44:21

Ny wra oferyas vyth eva gwin pan enter an klos a-bervedh.

Levitikus 10:9

‘Na wrewgh hwi, naneyl ty na'th vebyon, eva gwin na korev pan entrowgh yn tylda an kuntelles, ma na verwowgh. Ordenans vydh bys vykken der agas henedhow,

Romanyon 3:13

Aga bryansenn yw bedh igor. I a doell gans aga thaves. Yma venim serf yn-dann aga diwweus.

Filippianys 1:1

1 Powl ha Timothi, gwesyon Krist Yesu, Dhe oll an syns yn Krist Yesu usi yn Filippi gans an epskobow ha'n dhyagonyon:

1 Timothi 3:12

Bedhes dyagonyon gwer unn wreg ha rewloryon dha aga fleghes ha'ga mayni i.

1 Timothi 3:2

Y koedh dhe epskop bos divlam, gour unn wreg, sad, doeth, onest, hel dhe westoryon, dyskador da,

1 Timothi 3:3

heb eva re nag omdhal, mes klor, ha digavyllek, heb kara mona;

1 Timothi 5:23

Na wra eva dowr namoy, mes gwra devnydh a nebes win rag dha las ha'th klevesow menowgh.

Titus 1:7

Rag y koedh dhe'n epskop bos divlam, avel rennyas Duw, heb gorthter, na sorr skav, nag yw omres dhe win, nag yw striver na kraf,

Titus 2:3

Y'n keth vaner lavar dhe'n benynes koth mayth omdhokkons dell dhegoedh dhe sansoleth heb sklandra, heb bos kethesow dhe veur a win, mes dyskadoresow a'n pyth yw da,

Jamys 3:10

Yn-mes a'n keth ganow y teu ha bennath ha molleth. Nyns yw gwiw, ow breder, an taklow ma dhe hwarvos yndella.

1 Peder 5:2

bugelyewgh flokk Duw usi yn agas mysk, ow korweles heb konstryna mes bolonjedhek, war-lergh bodh Duw; heb hwansa gwayn plos, mes yn tiwysyk;