1 Timothi 3:16 - An Bibel Kernewek 20234 (Kernewek Kemmyn)

¹⁶ Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

1 Timothi 3:16 Iomraidhean Croise

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Matthew 13:11

Ev a worthybis ha leverel dhedha, ‘Dhy'hwi yth yw grontys aswonn kevrinyow gwlaskor nev, mes dhedha i nyns yw grontys.

Matthew 28:2

hag otta, yth esa dorgrys meur; rag el an Arloedh, diyskynnys a nev, a dheuth, hag ev a rolyas dhe-ves an men hag esedha warnodho.

Matthew 3:16

Ha Yesu pan o besydhys a sevis yn-bann yn-mes a'n dowr dihwans; hag otta, an nevow a veu igerys dhodho, hag ev a welas Spyrys Duw ow tiyskynna avel kolomm hag ow tos warnodho;

Matthew 4:11

Ena an jowl a'n gasas hag otta, eledh a dheuth dh'y servya.

Mark 1:13

Hag yth esa y'n gwylvos dew-ugens dydh temptys gans Satnas, hag yth esa gans an bestes gwyls, ha'n eledh a venystra dhodho.

Mark 16:19

Hag ytho an Arloedh Yesu, wosa ev dhe gewsel orta, a veu degemmerys yn-bann dhe nev, hag a esedhas a'n barth dhyghow dhe Dhuw.

Mark 16:5

Ha pan dheuthons a-berth y'n bedh i a welas den yowynk esedhys a'n barth dhyghow gwiskys yn pows wynn; hag own a's teva.

Luk 2:32

golow rag diskwedhyans dhe'n Jentilys, ha glori dhe'th pobel Ysrael.’

Luk 20:44

Lemmyn mar kwra Davydh y elwel “Arloedh”, fatell yll ev bos y vab?’

Luk 22:43

Hag el dhiworth nev a omdhiskwedhas dhodho, dh'y gonfortya.

Luk 24:4

Hag i hwath sowdhenys a-dro dhe henna, otta, dew wour a sevis rybdha yn dillas dewynnek.

Luk 24:51

Ha pan esa orth aga benniga, ev a dhibarthas dhiworta hag y feu degys yn-bann dhe'n nev.

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 13:3

ow kodhvos an Tas dhe ri pup-tra oll ynter y dhiwleuv, hag ev dhe dhos dhiworth Duw ha dehweles dhe Dhuw,

Yowann 15:26

‘Mes pan dheu an Konforter neb a dhannvonav dhywgh dhiworth an Tas, an Spyrys a wiryonedh neb a dheu yn-mes dhiworth an Tas, ev a dheg dustuni ahanav.

Yowann 16:28

My a dheuth dhiworth an Tas, ha devedhys ov y'n bys; arta my a as an bys, ha mos dhe'n Tas.’

Yowann 17:5

Ha lemmyn gwra ow glorifia, A Das, y'th wolok dha honan, gans an glori a'm beu genes kyns bos an bys.

Yowann 20:12

ha gweles dew el gwiskys yn gwynn, esedhys onan dhe'n penn hag onan dhe'n treys, le may fia korf Yesu ow krowedha.

Yowann 6:62

Pandra ytho mar kwelowgh Mab an den owth yskynna dhe'n tyller mayth esa kyns?

Oberow 1:19

hag y teuth ha bos godhvedhys oll dhe drigoryon Yerusalem, may feu henwys an park na yn aga yeth aga honan Hakeldama, henn yw, Park Goes.

Oberow 10:34

Ha Peder a igoras y anow ha leverel, ‘Yn hwir, my a gonvedh na syns Duw denvyth a-ugh y gila,

Oberow 14:27

Ha pan ens i devedhys i a guntellas war-barth an eglos ha derivas an taklow re wrussa Duw dredha, ha fatell igorsa daras a fydh dhe'n Jentilys.

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

Romanyon 10:12

Rag nyns eus dihevelepter ynter an Yedhow ha'n Grek, an keth Arloedh yw dhe oll, a re y rychys dhe oll a elow warnodho.

Romanyon 10:18

Mes my a lever, A wrussons i klewes? Gwrussons yn hwir! Rag ‘Dhe'n bys oll yth eth aga lev, ha'ga geryow dhe bennow an norvys.’

Romanyon 16:25

Lemmyn dhodho ev neb a yll agas krevhe herwydh ow aweyl ha pregoth Yesu Krist, herwydh diskwedhyans an kevrin a vedha gwithys taw der an oesow

Romanyon 16:26

mes lemmyn yw diskudhys ha, der an skrifow profoesek, war-lergh gorhemmynn an Duw heb diwedh, rag gostytter a fydh, yw dyllys dhe'n gwlaskordhow oll:

Romanyon 3:4

Kammenn vyth! Bedhes Duw gwir kyn fo pub den fals, dell yw skrifys, ‘Rag may fi prevys ewn y'th heryow ha tryghi pan vi breusys.’

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

Romanyon 9:5

dhedha yth yw an ugheldasow hag a'ga eghenn, war-lergh an kig, yw Krist usi a-ugh oll, Duw benniges bys vykken. Amen.

1 Korinthianys 15:47

A'n dor yth o an kynsa den, den a dhoust; a nev yth yw an nessa den.

1 Korinthianys 2:7

Mes ni a gews furneth Duw, kevrinek ha kudh, a ragdhestnas Duw kyns an oesow rag agan glori.

2 Korinthianys 1:19

Rag Mab Duw, Krist Yesu, neb a veu pregewthys genen yn aga mysk, genev vy, ha gans Silvanus ha Timothi, nyns o ev ‘Ya ha Na’, mes ynno ev pup-prys yth yw ‘Ya.’

Galatianys 2:8

rag neb a wrug y ober yn Peder rag abostolieth an trodreghyans a wrug y ober ynwedh ynnov vy rag an Jentilys,

Galatianys 4:4

mes pan dheuth keweras an oes, Duw a dhellos y Vab, genys a venyn, genys yn-dann lagha,

Efesianys 1:9

ow ri dhyn godhvos kevrin y volonjedh, war-lergh y vodh a dhispletyas ynno

Efesianys 6:19

ha ragov vy, may fo kows res dhymm, ha my owth igeri ow ganow, dhe dhyllo yn hardh mysteri an aweyl.

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.

Kolossianys 1:27

dhe neb Duw a vynnas diskudha pyth yw rychys splannder an mysteri ma yn mysk an Jentilys, yw Krist ynnowgh hwi, govenek an splannder.

Kolossianys 1:6

a dheuth dhywgh hwi, kepar hag yn oll an bys hi a dheg frut ha tevi, kepar dell dyv ynnowgh hwi ynwedh, dhiworth an jydh may klewsowgh ha godhvos gras Duw yn gwirder;

Kolossianys 2:2

may fons kennerthys yn aga holonn, ow pos junys war-barth yn kerensa hag y'n rychys oll a'n surheans leun a gonvedhes, rag aswonnvos a'n mysteri a Dhuw, a Grist;

2 Thessalonianys 1:10

pan dheffo y'n jydh na dhe vos glorifiys yn y syns ha ri marth dhe oll an re a grys, rag bos krysys agan dustuni dhywgh hwi.

2 Thessalonianys 2:7

Rag kevrin an fara dilagha a ober seulabrys. Mes ny wra an fronn lettya marnas poran y'n eur ma, bys mayth ello dhe-ves.

1 Timothi 3:9

ow synsi mysteri an fydh, glan aga howses.

Ebrowyon 1:3

neb yw dewynnyans golewder Duw ha gwir imaj y substans, ow mentena traow oll der an ger a'y nerth. Pan wrussa glanheans peghosow, ev a esedhas orth leuv dhyghow an Meuredh y'n tylleryow ughel,

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Ebrowyon 7:7

Ha heb kontradia, neb yw le yw bennigys gans neb yw gwell.

Ebrowyon 8:1

Lemmyn war verr lavarow, an pyth a leveryn yw hemma: ni a'gan beus arghoferyas, onan neb a esedhas orth leuv dhyghow tron Meuredh an nevow,

1 Peder 1:12

Diskwedhys veu dhedha nag esons i ow konis aga honan, mes yth esons orth agas gonis hwi y'n taklow re beu derivys dhywgh gans an re a bregowthas an nowodhow da dhywgh der an Spyrys Sans, dannvenys dhiworth nev, taklow ha hwans yma dhe eledh mires warnedha.

1 Peder 1:20

Ragaswonnys ova kyns selyans an bys, mes diskwedhys y'n termynyow diwettha ragowgh hwi,

1 Peder 1:21

neb a grys dredho yn Duw a wrug y dhrehevel dhiworth an re varow ha ri splannder dhodho, mayth usi agas fydh ha'gas govenek yn Duw.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;

1 Peder 3:22

usi a dhyghow dhe Dhuw, gyllys yn nev, gans eledh ha potestatys ha nerthow gwrys gostydh dhodho ev.

1 Yowann 1:2

rag an bewnans a veu diskwedhys ha ni re'n gwelas ha dustunia ha leverel dhywgh, an bewnans heb diwedh esa gans an Tas hag a veu diskwedhys dhyn –

1 Yowann 3:5

Ha hwi a woer y feu diskwedhys rag doen agan peghosow dhe-ves; hag ynno nyns eus peghes.

1 Yowann 3:8

Neb a begh, a'n jowl yma; rag an jowl a begh a-dhia'n dalleth. Dhe'n porpos ma y feu diskwedhys Mab Duw, rag may tistrua oberow an jowl.

Diskwedhyans 17:5

Ha war hy thal o skrifys hanow, yw mysteri, ‘Babylon vras, mamm oll horys ha taklow kasadow an nor.’

Diskwedhyans 17:7

Hag yn-medh an el dhymm, ‘Prag y feu marth genes? My a vynn leverel dhis mysteri an venyn ha'n best a's deg, ha ganso an seyth penn ha'n deg korn.

Diskwedhyans 7:9

Wosa hemma, my a welas, hag otta, routh veur, na ylli denvyth hy nivera, a bub kenedhel ha loeth ha pobel ha taves; i a sevi a-dherag an tron hag a-dherag an Oen, gwiskys yn powsyow gwynn, ha palmys yn aga diwla;