1 Timothi 3:15 - An Bibel Kernewek 20234 (Kernewek Kemmyn)

¹⁵ Mes mar strechyav, ty a wra godhvos fatell yw res omdhegi yn mayni Duw, yw eglos an Duw bew, an pilar ha'n grond a wiryonedh.

1 Timothi 3:15 Iomraidhean Croise

1 Myghternedh 2:2

‘Yth esov ow mos yn fordh an norvys oll; bydh kolonnek ytho, ha bydh gour,

1 Myghternedh 2:4

may kewerro an Arloedh y er a veu kewsys ganso y'm kever, ow leverel, “Mar kwra dha fleghes gwitha aga fordh, ow kerdhes a-ragov yn gwiryonedh gans oll aga holonn ha gans oll aga enev, ny fyll dhis gour war dron Ysrael.”

2 Myghternedh 19:4

Martesen an Arloedh dha Dhuw a glew oll geryow an Rabshake, a wrug y vester, myghtern Assyria dannvon dhe wul ges a'n Duw bew, hag ev a geredh drefenn an geryow re glewas an Arloedh dha Dhuw. Rakhenna drehav pysadow rag an remenant yw gesys.’

1 Kroniklys 22:13

Ena ty a sewen mar kwaytydh gwitha an ordenansow ha'n breusow a erghis an Arloedh dhe Moyses rag Ysrael. Bydh krev, hag a golonn dha. Na borth own, na vydh digolonnek.

Salmow 42:2

Yma dhe'm enev syghes war-lergh Duw, an Duw bew. P'eur tov vy hag omdhiskwedhes a-dherag Duw?

Salmow 84:2

Ow enev yw hirethek, hi a yeun ynwedh war-lergh klosyow an Arloedh; ow holonn ha'm kig a arm yn lowen war an Duw bew.

Yeremia 1:18

Rag, otta, my re'th wrug y'n jydh ma sita gerys, ha koloven a horn, ha fosow a vrons erbynn an tir kowal, erbynn myghternedh Yuda, erbynn aga fennternedh, erbynn aga oferysi, hag erbynn pobel an tir.

Yeremia 10:10

Mes an Arloedh yw gwir Dhuw, ev yw an Duw bew, ha myghtern heb diwedh: orth y sorr an norvys a gren, ha ny yll an kenedhlow perthi y sorrvann.

Yeremia 23:36

Mes ny venegowgh ‘Begh an Arloedh’ namoy; rag ger pub den a vydh y vegh y honan; rag hwi re gammdreylyas geryow an Duw bew, Arloedh an luyow, agan Duw.

Daniel 6:26

Ordenans a wrav, yn pub arloetteth a'm ruvaneth, may hwrello tus krena ha kavoes own a-rag Duw Daniel, Rag ev yw an Duw bew, neb a dhur bys vykken; nevra ny vydh y wlaskor distruys, ha'y roweth a vydh bys y'n diwedh.

Hosea 1:10

Hwath y fydh niver fleghes Ysrael avel tewes an mor, na yll bos musurys na niverys. Y'n tyller may feu leverys dhedha, ‘Nyns owgh hwi ow fobel’, y fydh leverys dhedha, ‘Mebyon an Duw bew.’

Matthew 16:16

Ha Simon Peder a worthybis ha leverel, ‘Ty yw an Krist, Mab an Duw bew.’

Matthew 18:18

‘Yn hwir y lavarav dhywgh, pypynag oll a gelmowgh war an nor a vydh kelmys yn nev, ha pypynag a dhigelmowgh war an nor a vydh digelmys yn nev.

Yowann 1:17

rag an lagha a veu res dre Moyses; gras ha gwirder a dheuth dre Yesu Krist.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 18:37

Ena yn-medh Pilat dhodho, ‘Osta myghtern ytho?’ Yesu a worthybis, ‘Ty a lever, ow bos myghtern. Rakhenna y feuv vy genys, ha rakhenna y teuth vy y'n bys, may hallen dustunia a'n gwiryonedh. Peub neb yw a'n gwiryonedh a glew ow lev.’

Yowann 6:69

Ha ni a grys, hag a woer ty dhe vos an Sans a Dhuw.’

Oberow 1:2

bys y'n jydh may feu kemmerys yn-bann, wosa ev dhe ri gorhemmynnow der an Spyrys Sans dhe'n abesteli neb re dhewissa;

Oberow 14:15

‘A wer, prag y hwrewgh hwi an taklow ma? Ni ynwedh yw gwer, a'n keth gnas avelowgh, ha ni a bregoth rag agas treylya dhiworth an taklow koeg ma dhe Dhuw bew, neb a wrug an nev ha'n nor ha'n mor ha pup-tra eus ynna.

Romanyon 3:2

Meur war bub fordh. Wostalleth an Yedhewon a's teves gwitha lavarow Duw.

Romanyon 9:26

‘Hag y'n keth le may feu leverys dhedha, “Nyns owgh ow fobel”, ena i a vydh henwys mebyon an Duw bew.’

1 Korinthianys 10:32

Na wrewgh offens vyth dhe Yedhewon, na dhe Grekys, na dhe eglos Duw,

1 Korinthianys 3:16

A ny wodhowgh hwi agas bos tempel Duw ha bos Spyrys Duw trigys ynnowgh?

2 Korinthianys 3:3

ha diskwedhys owgh hwi dhe vos lyther Krist, der agan menystrans; nyns owgh hwi skrifys der ynk, mes gans Spyrys an Duw bew, a-der yn leghyon a ven mes yn leghyon hag yw kolonnow a gig.

2 Korinthianys 6:16

Ha py akord eus dhe dempel Duw gans idolys? Rag ni yw tempel an Duw bew, dell leveris Duw, ‘My a wra triga yn aga mysk, ha my a wra kerdhes yn aga mysk; aga Duw vydhav vy, hag ow fobel vydhons i.

2 Korinthianys 6:7

yn gwiryonsys a gows, yn nerth Duw, der arvow a ewnder y'n dhorn dhyghow hag y'n dhorn gledh,

Galatianys 2:9

hag ow konvedhes an gras re beu res dhymm, Jamys ha Kefas ha Yowann, hag i an kolovenyow dell dybys, a ros an dhorn dhyghow a gowethyans dhymm ha dhe Barnabas, mayth ellen ni dhe'n Jentilys, hag i aga honan dhe'n dus trodreghys;

Galatianys 3:1

A hwi dus Galatia, dus foll! Piw re'gas husas, may feu diskwedhys dherag agas lagasow Yesu Krist dhe vos krowsys?

Efesianys 4:21

– mara'n klewsowgh yn tevri, ha bos dyskys ynno, par dell usi an gwiryonedh yn Yesu,

Dewteronomi 31:23

Ha'n Arloedh a ros charj dhe Yoshua mab Nun, ow leverel, ‘Bydh krev ha bydh kolonnek, rag ty a dhre mebyon Ysrael dhe'n tir a des vy y ri dhedha; ha my a vydh genes.’

Dewteronomi 5:26

Rag piw eus a bub kig neb a glewas lev an Duw bew ow kewsel yn-mes a gres an tan avelon, ha bewa?

Kolossianys 1:5

drefenn an govenek yw gwithys ragowgh y'n nevow, a glewsowgh kyns yn ger an gwir, an aweyl,

1 Thessalonianys 1:9

An dus na, aga honan, a wra vri a-dro dhyn py par wolkomm a gemmersyn genowgh, ha fatell dreylsowgh dhe Dhuw dhiworth idolys dhe wonis an Duw bew ha gwir,

1 Timothi 3:14

An taklow ma a skrifav dhis ow kwaytya dos dhiso kyns nep-pell.

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

1 Timothi 3:2

Y koedh dhe epskop bos divlam, gour unn wreg, sad, doeth, onest, hel dhe westoryon, dyskador da,

1 Timothi 3:5

Den mar ny woer rewlya y vayni ev, fatell wra gwitha eglos Duw?

1 Timothi 4:10

Dhe hemma ni a lavur ha strivya, rag yma agan govenek y'n Duw bew, neb yw an Selwador a bub den, hag a gryjygyon dres oll.

1 Timothi 6:16

neb yn unnsel yw anvarwel, neb a drig yn golow na yllir dos nes dhodho; neb na wrug denvyth y weles na ny yll denvyth y weles. Dhodho ev re bo enor ha galloes bys vykken. Amen.

2 Timothi 2:19

Byttegyns selven fyrv Duw a sev, ha warnodho an skrif ma: ‘An Arloedh a aswonn an re usi dhodho’, ha, ‘Pubonan a henow hanow an Arloedh, treylys ev dhiworth kammhynseth.’

2 Timothi 2:20

Yn chi bras nyns eus lestri unnsel yn owr hag arghans, mes yn prenn ha pri ynwedh, an re na rag enor ha'n re ma rag disenor.

Ebrowyon 10:21

hag a-ban y'gan beus oferyas meur war ji Duw,

Ebrowyon 12:22

Mes hwi re dheuth dhe venydh Sion ha sita an Duw bew, Yerusalem an nevek, ha dhe eledh dres niver yn kuntelles solem,

Ebrowyon 3:12

Kemmerewgh with, breder, ma na vo yn denvyth ahanowgh tebelgolonn ankryjyk, ow treylya dhiworth an Duw bew.

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.

Yoshua 3:10

Ha Yoshua a leveris, ‘Gans hemma godhvydhewgh bos an Duw bew yn agas mysk hag ev dhe fesya a-dheragowgh heb falladow an Kananysi, an Hittysi, an Hivysi, an Perizzysi, an Girgashysi, an Amorysi ha'n Yebusysi.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.

1 Peder 4:17

Rag devedhys yw an termyn dhe dhalleth an vreus orth teylu Duw, ha mar talleth orthyn ni, pandr'a vydh gorfenn an re nag yw gostydh dhe aweyl Duw?

Diskwedhyans 7:2

Ha my a welas ken el ow tos yn-bann dhiworth an howldrevel ha sel an Duw bew ganso, hag ev a armas, ughel y lev, dhe'n peswar el may feu grontys dhedha pystiga an dor ha'n mor,

1 Samuel 17:26

Davydh a leveris dhe'n wer esa sevys rybdho, ‘Pandr'a vydh gwrys rag an gour neb a ladh an Filistyas ma, ha kemmeres dhe-ves an meth dhiworth Ysrael? Rag piw yw an Filistyas antrodreghys ma may hyll ev defia luyow an Duw bew?’

1 Samuel 17:36

Dha was re ladhas lewyon hag orses; ha'n Filistyas antrodreghys ma a vydh kepar hag onan anedha, a-ban wrug ev defia luyow an Duw bew.’