1 Timothi 3:11 - An Bibel Kernewek 20234 (Kernewek Kemmyn)

¹¹ Yn kepar maner, y koedh dh'aga gwragedh bos sad; na vedhens hwedhloresow, mes klor ha lel yn pup-tra.

1 Timothi 3:11 Iomraidhean Croise

Salmow 101:5

Neb a gabel y gentrevek yn priva a wrav vy dhe dhistrui. Neb yw ughel y dhewlagas ha goethus y golonn ny wrav vy y wodhevel.

Salmow 15:3

an den nag eus mikenn war y daves, ha na wra drogober dh'y hynsa, ha na wodhev sklander erbynn y gentrevek;

Salmow 50:20

Ty a esedh ha kewsel erbynn dha vroder; ty a guhudh mab dha vamm.

Lavarow Koth 10:18

Neb a gudh kas a'n jeves diwweus a wowegneth, ha neb a lever sklander yw foll.

Lavarow Koth 25:13

Avel yeynder ergh yn dydh an drevas yw kannas lel dhe'n re a'n dannvon; ev a dhisygh spyrys y vestrysi.

Yeremia 9:4

Bedhewgh war peub a'y gentrevek, ha na fydhyewgh yn broder vyth: rag pub broder yw purra toeller, ha pub kentrevek a wra kerdhes gans sklanderyow.

Ezekiel 44:22

Ny dhemmedh gwedhwes, na benyn dhidhemmedhys, mes gwyrghes a has chi Ysrael, po gwedhwes neb yw gwedhwes oferyas.

Levitikus 21:7

Ny gemmerons yn demmedhyans gwreg a vo hora na defolys, ha ny gemmerons benyn didhemmedhys a'y gour, rag sans yw ev dh'y Dhuw.

Matthew 4:1

Ena Yesu a veu hembrenkys yn-bann dhe'n gwylvos gans an Spyrys dhe vos temptys gans an jowl.

Yowann 6:70

Yesu a worthybis dhedha, ‘A ny wrugavy agas dewis, agas dewdhek? Hag onan ahanowgh yw dyowl.’

Romanyon 1:29

Gorlenwys ens a bub kammhynseth, droktra, krefni, atti. Leun a avi, moldra, strif, toell, spit, hwystroryon yns,

1 Timothi 1:12

My a ras dhe neb a re galloes dhymm, Krist Yesu agan Arloedh, rag ev a synsis ow bos lel, ha'm gorra yn y wonis,

1 Timothi 3:2

Y koedh dhe epskop bos divlam, gour unn wreg, sad, doeth, onest, hel dhe westoryon, dyskador da,

1 Timothi 6:2

Ha'n re gans mestrysi a grys, na wrens i aga dispresya drefenn aga bos breder, mes y koedh dhedha gonis gwell, avel kethwesyon, rag kryjygyon ha karadow yw an re a wra devnydh a brow an gonis. Dysk an taklow ma ha'ga ynnia.

2 Timothi 3:3

dinatur, avleythys, kammguhudhoryon, direwl, gwyls, ow kasa dader,

2 Timothi 4:5

Mes ty bydh sad yn pup-tra, godhav drog, gwra ober aweyler, kollanw dha venystri.

Titus 2:3

Y'n keth vaner lavar dhe'n benynes koth mayth omdhokkons dell dhegoedh dhe sansoleth heb sklandra, heb bos kethesow dhe veur a win, mes dyskadoresow a'n pyth yw da,

Titus 3:2

heb leverel drog a dhenvyth, heb kedrynna, klor, hag ow tiskwedhes pub uvelder dhe dus oll.

1 Peder 5:8

Bedhewgh sad, bedhewgh hewoel. Agas eskar an jowl, kepar ha lew owth usa, a gerdh a-dro, ow hwilas nebonan dhe dhevorya.