1 Timothi 2:5 - An Bibel Kernewek 20234 (Kernewek Kemmyn)

⁵ Rag yma unn Duw hag unn mayn yntra Duw ha mab-den, an den Krist Yesu,

1 Timothi 2:5 Iomraidhean Croise

Job 9:33

Unnweyth a pe breusyas yntredhon, neb a alla settya y leuv warnan agan dew!

Ysay 44:6

Yndellma y lever an Arloedh, Myghtern Ysrael, ha'y Dhasprenyas, Arloedh an luyow: My yw an kynsa ha my yw an diwettha, hag a-der my nyns eus duw.

Matthew 1:1

Lyver linyeth Yesu Krist mab Davydh mab Abraham.

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Luk 14:22

Ha'n gwas a leveris, “Mester, re beu gwrys dell erghsys, hag yma hwath spas.”

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Oberow 4:12

Ha nyns eus selwyans yn denvyth arall, rag nyns eus ken hanow yn-dann nev res yn mysk tus may tegoedh dhyn bos selwys.’

Romanyon 1:3

a-dro dh'y Vab devedhys a has Davydh war-lergh an kig

Romanyon 10:12

Rag nyns eus dihevelepter ynter an Yedhow ha'n Grek, an keth Arloedh yw dhe oll, a re y rychys dhe oll a elow warnodho.

1 Korinthianys 8:4

Rakhenna, a-dro dhe dhybri offrynnow dhe idolys, ni a woer ‘idol y'n bys ma dhe vos travyth’, ha ‘nag eus Duw vyth saw onan.’

1 Korinthianys 8:6

hwath ragon nyni yma unn Duw, an Tas, dhiworth neb yw pup-tra, ha rag neb yth on ni, hag unn Arloedh, Yesu Krist, dre neb yw pup-tra ha dre neb yth on ni.

Galatianys 3:20

Nyns yw mayn neppyth unnsel rag unn parti, mes Duw yw onan.

Efesianys 4:6

unn Duw ha Tas a bub den oll, neb usi a-ugh pub den oll, ha dre bub den oll hag yn pub den oll.

Dewteronomi 6:4

Klew, Ysrael: An Arloedh agan Duw, yw unn Arloedh;

1 Timothi 6:13

My a worhemmynn dhis a-dherag Duw a re bewnans dhe bup-tra ha'n Arloedh Yesu Krist a dhustunias gans professyans da a-dherag Pontius Pilat,

Ebrowyon 12:24

ha dhe Yesu, mayn an kevambos nowydh, ha dhe'n goes skoellys a gews tra well ages goes Abel.

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.

Ebrowyon 8:6

Mes lemmyn, Krist re gavas menystrans hag yw hwath bryntinna ages an onan koth a-ban yw ev an mayn a gevambos gwell, selys war ambosow gwell.

Ebrowyon 9:15

Yndella ev yw mayn an kevambos nowydh, may hwrello an re yw gelwys degemmeres an eretons ambosys bys vykken, a-ban mernans dhe hwarvos rag aga daspren a'n peghadow yn-dann an kynsa kevambos.

1 Yowann 2:1

Ow fleghigyow, an re ma a skrifav dhywgh, rag na begghowgh. Ha mar pegh denvyth, yma dhyn pledyas gans an Tas, Yesu Krist, an gwiryon.

Diskwedhyans 1:13

hag yn mysk an kantolbrennyer onan kepar ha Mab den, gwiskys yn pows ow trehedhes bys y'n treys, ha grogysys a-dro dhe'n dhiwvronn gans grogys owrek.