1 Timothi 1:18 - An Bibel Kernewek 20234 (Kernewek Kemmyn)

¹⁸ An arghadow ma a rov dhis, Timothi ow flogh, war-lergh an geryow a brofoesans kewsys kyns a-dro dhis, may hwrylli omladh dredha an omladh da,

1 Timothi 1:18 Iomraidhean Croise

Oberow 16:1

Hag ynwedh ev a dheuth yn-nans dhe Derbe ha dhe Lystra. Hag otta, yth esa ena unn dyskybel henwys Timothi, mab Yedhowes kryjyk mes y das o Grek.

1 Korinthianys 4:17

Hemm yw an pur skila my dhe dhannvon dhywgh Timothi, neb yw ow flogh meurgerys ha lel y'n Arloedh, ha neb a wra dri dh'agas kov ow fordhow yn Krist Yesu, kepar dell dhyskav yn pub tyller, yn pub eglos.

1 Korinthianys 9:7

Py souder a serv yn y gost y honan? Piw a blans gwinlann heb dybri rann a'y frut? Po py bugel deves a with para heb kavoes rann a'n leth?

Filippianys 2:22

Mes y gnas ev hwi a's aswonn; ev dhe wonis genev y'n aweyl kepar ha mab gans tas.

1 Timothi 1:2

Dhe Timothi, ow gwir flogh y'n fydh: Gras, tregeredh ha kres dhiworth Duw an Tas ha Krist Yesu agan Arloedh.

1 Timothi 1:5

Mes towl an arghadow yw kerensa yn-mes a golonn lan ha kowses da ha fydh heb gil.

1 Timothi 4:14

Na wra dispresya an ro usi ynnos a veu res dhiso dre brofoesans gans gorra diwla an henavogyon warnas.

1 Timothi 4:4

Rag da yw pub kreatur a Dhuw, ha nyns yw res gorra travyth dhe-ves, mars yw degemmerys gans grasyans,

1 Timothi 6:20

A Timothi, gwra gwitha an dra re beu res y'th charj, ow treylya dhiworth lavarow gwag hag ansans, ha tybyansow an eyl kontrari dh'y gila, yw henwys ‘Godhvos’ yn fals;

2 Timothi 1:2

Dhe Timothi flogh karadow: Gras, tregeredh, kres dhiworth Duw an Tas ha Krist Yesu agan Arloedh.

2 Timothi 4:7

My re strivyas an strivyans da ha kowlwul an resegva. My re withas an fydh.

Titus 1:4

Dhe Titus, ow gwir flogh war-lergh an fydh yw rynnys genen: Gras ha kres dhiworth Duw an Tas ha Krist Yesu agan Selwador.

Filemon 1:10

ha my a'th pys rag ow mab, neb a dhineythis y'm kolmow, Onesimus,