1 Timothi 1:17 - An Bibel Kernewek 20234 (Kernewek Kemmyn)

¹⁷ Dhe Vyghtern an oesow, anvarwel, diwel, an unn Duw, re bo enor ha gordhyans trank heb worfenn. Amen.

1 Timothi 1:17 Iomraidhean Croise

1 Kroniklys 29:11

Dhiso jy, A Arloedh, yw an braster, ha'n nerth, ha'n glori ha'n splannder, rag dhiso jy yw pup-tra yn nev ha nor. Dhiso jy, A Arloedh, yw an myghternsys, hag ughelhes os avel penn dres pup-tra.

Nehemia 9:5

Yn eur na an Levysi, Yeshua ha Kadmiel, Bani, Hashabneya, Sherebia, Hodia, Shebania ha Pethahia, a leveris, ‘Sevewgh yn-bann ha bennigewgh an Arloedh agas Duw bys vykken ha bynnari; ha benniges re bo dha hanow gloryus, yw ughelhes dres pub bennath ha gormola.

Salmow 10:16

An Arloedh yw Myghtern bys vykken ha bynnari; an kenedhlow res eth dhe goll yn-mes a'y dir ev.

Salmow 106:48

Benniges re bo an Arloedh, Duw Ysrael, trank heb worfenn ha bys vykken ha bynnari. Ha leveres oll an bobel, ‘Amen.’ Gormelewgh an Arloedh.

Salmow 145:13

Dha wlaskor yw gwlaskor nevra a bes, ha'th vestrynses a dhur a unn henedh dhe'n nessa. An Arloedh yw len yn oll y eryow, ha grassyes yn oll y oberow.

Salmow 41:13

Benniges re bo an Arloedh, Duw Ysrael, bys vykken ha bynnari. Amen, hag Amen.

Salmow 45:1

Yma awen y'm kolonn ow tyghtya kan fin; my a gan ow ober gwrys rag an Myghtern; ow thaves yw pluvenn dhe skriba skentel.

Salmow 45:6

Dha se, A Arloedh, a dhur bys vykken ha bynnari. Gwelenn dha vyghterneth yw gwelenn a ewnder.

Salmow 57:11

Bydh ughelhes, A Dhuw, a-ugh an nevow; bedhes dha wolewder dres oll an nor.

Salmow 90:2

Kyns an menydhyow dhe vos dineythys, po kyns ty dhe formya an tir ha'n norvys, trank heb worfenn ha bys vykken, ty yw Duw.

Yeremia 10:10

Mes an Arloedh yw gwir Dhuw, ev yw an Duw bew, ha myghtern heb diwedh: orth y sorr an norvys a gren, ha ny yll an kenedhlow perthi y sorrvann.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Daniel 4:34

Orth diwedh an dydhyow, my, Nebukadnessar, a dhrehevis ow dewlagas dhe nev, ha'm skians a dheuth arta dhymm. My a vennigas an Ughella, ha gul gormel ha gologhas dhe'n neb a vew bys vykken. Rag y vestrynses yw mestrynses a bes vynitha, ha'y wlaskor a dhur a henedh dhe henedh;

Daniel 4:37

Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Malaki 1:14

Mollothek yw an toeller a'n jeves gorow y'n gre ha dedhewi y ri, hag ena ev a sakrifi dhe'n Arloedh neppyth gans namm warnodho. Rag myghtern meur ov vy, yn-medh Arloedh an luyow, ha'm hanow yw ownys yn mysk an kenedhlow.

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Matthew 6:13

Ha na wra agan dri yn temptasyon, mes delirv ni dhiworth drog.

Yowann 1:18

Denvyth ny welas Duw bythkweth; an unn Vab dineythys, neb usi yn askra an Tas, ev re'n diskudhas.

Yowann 5:44

Fatell yllowgh hwi krysi, neb a dhegemmer enor an eyl dhiworth y gila, mes ny hwilowgh an enor na dheu marnas a Dhuw?

Romanyon 1:20

Rag y gnas na veu gwelys a-dhia greasyon an bys, hemm yw y alloes heb finweth ha'y dhuwsys, re beu gwelys yn tiblans der an taklow gwrys. Ytho heb askus yns;

Romanyon 1:23

ha treylya golewder Duw na verow yn hevelep imaj densys a beder hag ydhyn hag enyvales peswar-troesek ha pryves.

Romanyon 11:36

Rag anodho ha dredho ha dhodho yma pup-tra. Dhodho re bo gordhyans bys vykken!

Romanyon 16:27

re bo dhe'n unn Duw fur golewder bys vykken dre Yesu Krist: Amen.

Romanyon 2:10

mes gordhyans hag enor ha kres rag pub huni a wra da, an Yedhow yn kynsa ha'n Grek ynwedh.

Romanyon 2:7

dhe'n re a hwila, dre berthyans ow kul da, gordhyans hag enor hag anvarwoleth, y fynn ev ri bewnans heb diwedh.

Kolossianys 1:15

Imaj yw ev a'n Duw diwel, an kynsa-genys a greasyon oll;

Ebrowyon 11:27

Dre fydh ev a asas Ejyp, heb perthi own a sorr an myghtern; rag y parghas, kepar dell ve ow kweles neb yw diwel.

Ebrowyon 2:7

Ty a'n gwrug rag termyn nebes isella ages an eledh, ty re'n kurunas gans golewder hag enor,

1 Peder 5:11

Dhodho ev an galloes trank heb worfenn. Amen.

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.

1 Yowann 4:12

Bythkweth ny welas denvyth Duw. Mar keryn an eyl y gila, Duw a drig ynnon, ha'y gerensa yw perfydhhes ynnon.

Lyther Yud 1:25

dhe'n unn Duw agan Selwyas, dre Yesu Krist agan Arloedh, dhodho re bo gordhyans, meuredh, mestrynses, ha galloes kyns pub oes ha lemmyn ha bys vynnari. Amen.

Diskwedhyans 15:3

Hag i a gan kan Moyses gwas Duw, ha kan an Oen, ow leverel, ‘Bras ha marthys yw dha wriansow, A Arloedh Duw Ollgalloesek; ewn ha gwir yw dha fordhow, A Vyghtern an kenedhlow.

Diskwedhyans 17:14

An re ma a wra gwerrya erbynn an Oen, ha'n Oen a wra aga thryghi: drefenn y vos Arloedh arlydhi, ha Myghtern myghternedh, ha'n re usi ganso yw gelwys, ha dewisys, ha len.’

Diskwedhyans 19:1

Wosa an taklow ma, my a glewas kepar ha pan ve lev bras lies den yn nev ow leverel, ‘Alleluya; selwyans, ha gordhyans, ha galloes dh'agan Duw:

Diskwedhyans 19:16

Ha war y vantell ha war y vordhos, hanow yw skrifys: Myghtern myghternedh, hag Arloedh arlydhi.

Diskwedhyans 19:6

Ha my a glewas kepar ha pan ve lev routh veur, ha son lies dowr, ha lev taran veur ow leverel, ‘Alleluya; rag an Arloedh agan Duw, an Ollgalloesek, a reyn.

Diskwedhyans 7:12

ow leverel, ‘Amen. Bennath, ha gordhyans, ha furneth, ha grasyans, hag enor, ha nerth, ha galloes re bo dh'agan Duw trank heb worfenn. Amen.’