1 Samuel 9:3 - An Bibel Kernewek 20234 (Kernewek Kemmyn)

³ Lemmyn asenes Kish, tas Sowl, o kellys. Ha Kish a leveris dhe Sowl y vab, ‘Kemmer onan a'n wesyon genes; ke ha hwila an asenes.’

1 Samuel 9:3 Iomraidhean Croise

Breusysi 10:4

Ev a'n jevo deg mab warn ugens hag a varghoga war dheg asen warn ugens, hag yth esa dhedha deg tre warn ugens yn pow Gilead, ha henwys yth yns Havvoth-yair bys y'n jydh ma.

Breusysi 5:10

‘Derivewgh anodho, hwi hag a varghogeth war asenes gellvelyn, hwi hag a esedh war ballennow-diber fethus ha hwi hag a gerdh ryb an fordh.

1 Samuel 10:14

Ewnter Sowl a leveris dhodho ha dh'y was, ‘Py le yth ethewgh?’ Yn-medh ev, ‘Dhe hwilas an asenes; ha pan welsyn na yllys aga throvya, mos a wrussyn dhe Samuel.’

1 Samuel 10:2

Pan dhiberthydh a-dhiworthiv hedhyw, ty a gyv dew wour ryb bedh Raghel yn tiredh Benyamin yn Selsagh, hag i a lever dhis, “Trovys yw an asenes mayth ythys dh'aga hwilas. Hag otta, dha das re astelas prederi a-dro dhe'n asenes, mes prederus yw a'gas govis hwi, ow leverel, Pandr'a wrav a-dro dhe'm mab?”

1 Samuel 9:2

Y feu dhodho mab, Sowl y hanow, neb o yonker teg. Nyns esa gour yn mysk mebyon Ysrael tekka agesso; a-dhiworth y dhiwskoedh hag yn-bann ev o hirra ages oll an bobel.

1 Samuel 9:20

Ha'th asenes esa kellys nans yw tri dydh, na sett dha vrys dhedha; rag i re beu kevys. Ha war biw yw oll desir Ysrael fastys? A nyns usi warnas jy, ha war oll chi dha dasow?’

1 Samuel 9:4

Ytho ev a dremenas dre venydh Efraym, ha tremena dre dir Shalisha, mes ny's trovsons. Ena i a dremenas dre dir Shaalim, mes nyns esens ena. Ena ev a dremenas dre dir an Benyaminysi, mes ny's trovsons.