1 Samuel 9:25 - An Bibel Kernewek 20234 (Kernewek Kemmyn)

²⁵ Wosa i dhe dhos yn-nans a-dhiworth tyller ughel an sita, gweli a veu lesys rag Sowl war an to.

1 Samuel 9:25 Iomraidhean Croise

2 Samuel 11:2

Yn neb unn gorthugher Davydh a sevis a'y weli ha kerdhes a-dro war do chi an myghtern, ha dhiworth an to ev a welas benyn owth omwolghi; ha semlans an venyn o pur deg.

Nehemia 8:16

Ytho an bobel eth yn-mes ha'ga hyrghes, ha gul dhedha aga honan skovvaow, pubonan war do y ji, hag yn aga klosyow, ha klosyow chi Duw, hag yn stret Yet an Dowr, hag yn stret Yet Efraym.

Yeremia 19:13

ha chiow Yerusalem, ha chiow myghternedh Yuda, a vydh defolys kepar ha tyller Tofeth, oll an chiow may losksons offrynnow war aga thohow dhe oll lu nev, ha dinewi offrynnow diwes dhe dhuwow erell.

Matthew 10:27

An dra a dherivav dhywgh y'n tewlder henna leverewgh y'n golow, ha'n dra a glewowgh hwystrys y'n skovarn gwrewgh y arma war bennow an chiow.

Matthew 24:17

neb usi war do an chi na wres diyskynna rag kyrghes neppyth yn-mes a'y ji,

Luk 5:19

Ha rag na gavsons fordh dh'y dhri a-ji drefenn an routh, i a yskynnas dhe benn an chi ha'y iselhe der an prileghennow gans an gravath y'n kres a-dherag Yesu.

Oberow 10:9

Ternos, hag i ow vyajya hag ow nesa dhe'n sita, Peder a yskynnas dhe'n to rag pysi, a-dro dhe'n hweghves eur.

Dewteronomi 22:8

Pan dhrehevydh chi nowydh, y hwredh fos-witha rag dha do, ma na worrydh goes y'th chi mar koedh nebonan dhiworto.

1 Samuel 9:26

Hag i a sevis a-varr a-dro dhe dardh an jydh ha Samuel a elwis dhe Sowl war an to ow leverel, ‘Sav, rag may hallav dha dhannvon war dha fordh.’ Ha Sowl a sevis, hag i eth yn-mes aga dew, ev ha Samuel.