1 Samuel 9:22 - An Bibel Kernewek 20234 (Kernewek Kemmyn)

²² Ena Samuel a gemmeras Sowl ha'y was, ha'ga dri a-bervedh y'n hel ha ri dhedha tyller orth penn an re esa gelwys, neb esa a-dro dhe dheg gour warn ugens.

1 Samuel 9:22 Iomraidhean Croise

Jenesis 43:32

Hag i a settyas boes ragdho ev y honan diberthys ha ragdha i aga honan diberthys ha rag an Ejyptianys esa ow tybri ganso aga honan diberthys, rag ny yll an Ejyptianys dybri gans an Ebrowyon, rag tra gasadow yw henna dhe'n Ejyptianys.

Luk 14:10

Mes pan vi gelwys, ke dhe esedha y'n tyller isella, rag may lavarro dhis neb a'th elwis, “Koweth, gwra mos yn-bann dhe dyller ughella”; ena y fydh dhis bri a-rag oll an dus yw esedhys genes.

1 Samuel 9:21

Sowl a worthybis ha leverel, ‘A nyns ov vy marnas Benyaminyas, a-dhiworth an lyha loeth Ysrael, hag ow theylu an lyha a oll teyluyow loeth Benyamin? Ytho prag y kewsydh orthiv yndella?’

1 Samuel 9:23

Yn-medh Samuel dhe'n keginer, ‘Dro an rann a res vy dhis, an rann a leveris dhis dh'y gorra a-denewen.’