1 Samuel 9:21 - An Bibel Kernewek 20234 (Kernewek Kemmyn)

²¹ Sowl a worthybis ha leverel, ‘A nyns ov vy marnas Benyaminyas, a-dhiworth an lyha loeth Ysrael, hag ow theylu an lyha a oll teyluyow loeth Benyamin? Ytho prag y kewsydh orthiv yndella?’

1 Samuel 9:21 Iomraidhean Croise

Salmow 68:27

Ottena Benyamin byghan, aga rewler, pennternedh Yuda ha'ga routh, pennternedh Zebulun ha pennternedh Naftali.

Salmow 68:28

Dha Dhuw re worhemmynnis dha nerth; surha, A Dhuw, an pyth re wrussys ragon ni.

Hosea 13:1

Pan gewsi Efraym, yth esa krena; yth omughelhas yn Ysrael; mes pan beghas gans Baal ev a verwis.

Luk 14:11

Rag peub neb a omughelha a vydh dres isel, ha neb a omiselha a vydh ughelhes.’

Efesianys 3:8

Dhymmo vy, yw le ages an lyha a'n syns oll, y feu res an ras ma dhe bregoth dhe'n Jentilys an rychys a Grist yw dres hwithra,

1 Samuel 10:27

Mes mebyon Belial a leveris, ‘Fatell yll an den ma agan sawya?’ Hag i a'n dispresyas, ha ni dhrosons dhodho ro. Mes tewel a wrug.

1 Samuel 14:51

Kish o tas Sowl; ha Ner tas Abner o mab Abiel.

1 Samuel 15:17

Yn-medh Samuel, ‘Kynth es distyr y'th lagas dha honan, a ny veus gwrys penn loethow Ysrael? An Arloedh a'th untyas myghtern war Ysrael.

1 Samuel 18:18

Yn-medh Davydh dhe Sowl, ‘Piw ov vy, ha pyth yw ow theylu, ha pyth yw kordh ow thas yn Ysrael, may fiv deuv dhe'n myghtern?’

1 Samuel 18:23

Ytho gwesyon Sowl a dherivas an geryow dhe Davydh yn privedh. Ha Davydh a leveris, ‘A hevel dhywgh tra vyghan dhe vos deuv an myghtern, a-ban ov gour boghosek ha heb ger-da?’

1 Samuel 9:22

Ena Samuel a gemmeras Sowl ha'y was, ha'ga dri a-bervedh y'n hel ha ri dhedha tyller orth penn an re esa gelwys, neb esa a-dro dhe dheg gour warn ugens.