1 Samuel 9:16 - An Bibel Kernewek 20234 (Kernewek Kemmyn)

¹⁶ ‘A-vorow a-dro dhe'n termyn ma my a dhannvon dhis gour mes a bow Benyamin, ha ty a wra y untya avel rewler war oll ow fobel Ysrael. Ev a saw ow fobel a-dhiworth dorn an Filistysi. My re viras war ow fobel, drefenn aga garm dhe dhos dhymm.’

1 Samuel 9:16 Iomraidhean Croise

2 Samuel 3:18

Lemmyn ytho gwrewgh yndella; rag an Arloedh re gewsis dhe Davydh, ha leverel: Dre leuv ow gwas Davydh my a wra sawya ow fobel Ysrael dhiworth leuv an Filistysi, ha dhiworth leuv oll aga eskerens.’

2 Myghternedh 20:5

‘Treyl arta, ha leverel dhe Hezekia, rewler ow fobel, Yndella a lever an Arloedh, Duw dha das Davydh: My re glewas dha bysadow, my re welas dha dhagrow; otta, my a wra dha yaghhe; y'n tressa dydh ty a wra mos yn-bann dhe ji an Arloedh.

Salmow 102:1

A Arloedh, klew ow fysadow; ha re dheffo ow kri dhiso jy.

Salmow 106:44

Byttegyns ev a welas aga anken pan woslowas ev orth aga garm.

Salmow 25:18

Mir orth ow anken ha'm poenvos, ha gav oll ow feghosow.

Lavarow Koth 16:9

Brys den a dewl towl y fordhow, mes an Arloedh a gevarwoedh kammow y dhewdroes.

Yeremia 32:8

Ena Hanamel mab ow ewnter a dheuth dhymm yn klos an prison war-lergh ger an Arloedh, ha leverel dhymm, ‘Pren ow fark, my a'th pys, usi yn Anathoth, yn pow Benyamin, rag an gwir a eretons yw dhis dh'y dhasprena; prenn e dhe'th honan.’ Ena my a wodhya bos hemma ger an Arloedh.

1 Samuel 10:1

Ena Samuel a gemmeras kostrel a olew, ha'y dhiveri war y benn, hag amma dhodho, ha leverel, ‘A ny wrug an Arloedh dha untya dhe vos rewler war y ertach?

1 Samuel 14:20

Ena Sowl hag oll an bobel esa ganso a omguntellas hag i a dheuth dhe'n vatel; ha kledha pub gour o erbynn y gila, mayth esa deray pur vras.

1 Samuel 14:23

Yndella an Arloedh a sawyas Ysrael an jydh na; ha'n vatel a lesas yn-mes bys yn Beth-aven.

1 Samuel 15:1

Samuel a leveris dhe Sowl, ‘An Arloedh a'm dannvonas dhe'th untya dhe vos myghtern war y bobel Ysrael; lemmyn rakhenna goslow orth geryow an Arloedh.

1 Samuel 16:1

Ha'n Arloedh a leveris dhe Samuel, ‘Pygemmys prys y fydhydh ow kyni rag Sowl? My re'n skonyas a vones myghtern war Ysrael. Lanw dha gorn gans oyl, ha ke, my a'th tannvon dhe Yesse an Bethlehemyas, rag my re brovias ragov ow honan myghtern yn mysk y vebyon.’

1 Samuel 16:3

Ha galw Yesse dhe'n sakrifis, ha my a dhiskwa dhis an pyth dhe wul; ha ty a wra untya ragov ev neb a dhiskwedhav dhis.’