1 Samuel 9:12 - An Bibel Kernewek 20234 (Kernewek Kemmyn)

¹² I a worthybis ha leverel, ‘Usi; ottava a-dheragowgh. Fistenewgh; ev re dheuth nammnygen dhe'n sita, rag yma sakrifis hedhyw rag an bobel y'n tyller ughel.

1 Samuel 9:12 Iomraidhean Croise

Jenesis 31:54

Ena Yakob a wrug sakrifis war an menydh ha gelwel y vreder dhe dhybri bara, hag i a dhybris bara ha gortos dres nos war an menydh.

1 Kroniklys 16:39

Ev a asas Sadok an oferyas ha'y vreder an oferysi a-rag tabernakel an Arloedh y'n tyller ughel yn Gibeon,

1 Samuel 10:5

Wosa henna ty a dheu dhe Gibeath-elohim le may ma savla-gwithysi an Filistysi. Ena, wosa ty dhe dhos di dhe'n sita, ty a dhyerbynn bagas a brofoesi ow tos yn-nans dhiworth an tyller ughel, hag a-ragdha telynn ha tabourik, ha pib, ha sowtri, hag i a vydh ow profoesa.

1 Samuel 16:2

Ha Samuel a leveris, ‘Fatell allav mos? Mar klewva Sowl anodho, ev a'm ladhsa.’ Ha'n Arloedh a leveris, ‘Kemmer lejek genes, ha lavar, “My re dheuva dhe sakrifia dhe'n Arloedh.”

1 Samuel 2:35

Ha my a dhrehav ragov ow honan oferyas lel, neb a wra war-lergh an pyth usi y'm kolonn ha'm brys. My a dhrehav ragdho chi sur, hag ev a gerdh a-dherag ow untys bys vykken.

1 Samuel 20:6

Mar kovynn dha das yn ter a-dro dhymm lavar, “Davydh a wovynnas yn tiwysyk kummyas orthiv poenya dhe Bethlehem y sita; rag yma sakrifis blydhenyek ena rag oll an teylu.”

1 Samuel 7:17

Ena ev a dhehweli dhe Rama, rag yth esa y ji ena; hag ena ev a vreusi Ysrael; hag ev a dhrehevis ena alter dhe'n Arloedh.