1 Samuel 8:8 - An Bibel Kernewek 20234 (Kernewek Kemmyn)

⁸ Kepar dell wrussons dhymm a-dhia'n jydh ma's dres vy yn-bann yn-mes a Ejyp bys y'n jydh hedhyw, orth ow eskasa hag ow servya duwow erell, yndella a wrons ynwedh dhis.

1 Samuel 8:8 Iomraidhean Croise

Salmow 78:8

Ha ma na vens avel aga thasow, henedh gorth ha dislen; henedh na veu fyrv aga holonn, ha nag esa aga spyrys len gans Duw.

Eksodus 16:3

ow leverel dhedha, ‘Unnweyth a marwen orth leuv an Arloedh yn pow Ejyp, pan en esedhys ryb an sethow-kig ha pan dhybryn bara dhe walgh! rag hwi re'gas dros yn-mes dhe'n gwylvos ma dhe ladha an gemmynieth oll dre nown.’

Eksodus 17:2

Ytho an bobel a gablas Moyses, ha leverel, ‘Ro dhyn ni dowr dh'y eva!’ Ha Moyses a leveris dhedha, ‘Prag y hwrewgh strivya genev? Prag y hwrewgh previ an Arloedh?’

Eksodus 32:1

Pan welas an bobel Moyses dhe hokya a dhiyskynna a'n menydh, an bobel a omguntellas war-barth gans Aron ha leverel dhodho, ‘Yn-bann, gwra dhyn ni duwow a wra mones a-ragon; rag an Moyses ma, an gour a'gan dros yn-mes a bow Ejyp, ny wodhon an pyth eus hwarvedhys dhodho.’

Yeremia 34:14

‘Dhe benn seyth blydhen livrewgh peub y vroder ebrow re beu gwerthys dhis ha'th servya hwegh blydhen; ty a'n liver ahanas.’ Mes ny woslowas agas tasow orthiv, na treylya aga skovarn dhymm.

Ezekiel 2:3

Yn-medh ev dhymm: Mab den, my a'th tannvon dhe vebyon Ysrael, dhe genedhel a rebellys re rebellyas er ow fynn; i ha'ga thasow re wrug treuspass er ow fynn bys y'n jydh ma.

Niverow 16:41

Mes dhe'n vorow oll an kuntelles a vebyon Ysrael a grodhvolas war Moyses ha war Aron, ow leverel, ‘Hwi re ladhas pobel an Arloedh.’

Dewteronomi 9:24

Hwi re beu ow rebellya erbynn an Arloedh a-dhia'n kynsa dydh ma'gas aswonnis.

Breusysi 13:1

Mebyon Ysrael a wrug an pyth o drog yn golok an Arloedh, ha'n Arloedh a's ros yn leuv an Filistysi dew-ugens blydhen.

Breusysi 2:20

Ytho sorr an Arloedh a loskas erbynn Ysrael; hag ev a leveris, ‘Rag an bobel ma dhe derri ow hevambos a worhemmynnis vy dh'aga thasow, ha ny woslowsons orth ow lev,

Breusysi 4:1

Mebyon Ysrael a wrug an pyth o drog yn golok an Arloedh wosa Ehud dhe verwel.

Breusysi 6:1

Mebyon Ysrael a wrug an pyth o drog yn golok an Arloedh, ha'n Arloedh a's ros yn leuv Midyan seyth blydhen.

1 Samuel 8:7

ha'n Arloedh a leveris dhe Samuel, ‘Goslow orth lev an bobel yn pup-tra a leverons dhis; rag ny'th skonsons jy, mes i re'm skonyas vy a vones myghtern warnedha.

1 Samuel 8:9

Ha lemmyn goslow orth aga lev; mes ty a's gwarn yn solem, ha diskwedhes dhedha fordhow an myghtern neb a reyn warnedha.’