1 Samuel 8:6 - An Bibel Kernewek 20234 (Kernewek Kemmyn)

⁶ Mes an dra a dhisplesyas Samuel pan lavarsons, ‘Ro dhyn myghtern dh'agan breusi.’ Samuel a bysis war an Arloedh,

1 Samuel 8:6 Iomraidhean Croise

Salmow 109:4

Yn attal a'm kerensa i a sev er ow fynn, mes my a omre dhe bysadow.

Eksodus 32:21

Ha Moyses a leveris dhe Aron, ‘Pandr'a wrug an bobel ma dhis may hwrussys dri pegh meur warnedha?’

Eksodus 32:32

Mes lemmyn, mar mynnydh gava aga fegh – ha mar ny vynnydh, gwra ow defendya, my a'th pys, yn-mes a'th lyver re skrifsys.’

Hosea 13:10

Ple'ma dha vyghtern, ma'th sawyo? Ple'ma dha vreusysi yn oll agas sitys, ay leversys anedha, ‘Ro dhymm myghtern ha pennternedh’?

Niverow 16:15

Ha Moyses o pur serrys, ha leverel dhe'n Arloedh, ‘Na wra vri a'ga offrynn. Ny gemmeris nag unn asen a-dhiworta, na ny bystigis nagonan anedha.’

Niverow 16:22

Hag i a goedhas war aga fas, ha leverel, ‘A Dhuw, Duw spyrysyon kig oll, mar pegh unn den, a vydhydh serrys gans an kuntelles oll?’

Niverow 16:46

Ha Moyses a leveris dhe Aron, ‘Kemmer an ynkyslester, ha gorra tan ynno a-dhiworth an alter, ha'y dhoen yn uskis dhe'n kuntelles, ha gul prenedh ragdha; rag sorr res eth yn-mes dhiworth an Arloedh; an pla re dhallathas.’

Filippianys 4:6

Na vedhewgh prederus a dravyth mes yn pup-tra, dre bysadow ha govynnadow gans grasyans, bedhes an taklow a wovynnsowgh godhvedhys dhe Dhuw.

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.

1 Samuel 10:19

Mes hedhyw, hwi re naghas agas Duw, neb a'gas delivras dhiworth oll agas droglammow ha'gas galarow. Mes hwi a leveris, “Nansi, mes gorr myghtern warnan.” Lemmyn ytho, sevewgh a-rag an Arloedh orth agas loethow hag orth agas kordhow.’

1 Samuel 12:12

Ha pan welsowgh bos Nahash myghtern an Ammonysi ow tos er agas pynn, hwi a leveris dhymm, “Nansi, mes myghtern a reyn warnan”, kynth o an Arloedh agas Duw agas myghtern.

1 Samuel 12:17

A nyns yw trevas an gwaneth hedhyw? My a elow dhe'n Arloedh, hag ev a dhannvon taran ha glaw; ha hwi a gonvedh ha gweles bos agas sherewynsi bras, re wrussowgh yn golok an Arloedh, dhe wovynn myghtern ragowgh.’

1 Samuel 12:19

Oll an bobel a leveris dhe Samuel, ‘Pys war an Arloedh dha Dhuw rag dha wesyon, rag na verwyn; rag ni re geworras dhe oll agan peghosow an drog ma, dhe wovynn myghtern ragon.’

1 Samuel 12:23

Ynwedh dhe'm parth vy, pell bedhes dhiworthiv my dhe begha erbynn an Arloedh dre hedhi pysi ragowgh; ha my a dhysk dhywgh an da ha'n fordh ewn.

1 Samuel 15:11

‘Edrek a'm beus my dhe settya yn-bann Sowl dhe vos myghtern, rag ev re dreylyas dhe-ves dhiworthiv, ha ny gollenwis ow gorhemmynnow.’ Samuel o serrys; hag ev a grias war an Arloedh dres nos.

1 Samuel 7:5

Ena Samuel a leveris, ‘Kuntellewgh oll Ysrael yn Mispa, ha my a bys war Dhuw ragowgh.’