1 Samuel 8:5 - An Bibel Kernewek 20234 (Kernewek Kemmyn)

⁵ ha leverel dhodho, ‘Otta, koth osta, ha ny gerdh dha vebyon y'th fordhow; ytho apoynt ragon, myghtern dh'agan breusi, kepar hag oll an kenedhlow erell.’

1 Samuel 8:5 Iomraidhean Croise

Niverow 23:9

Rag a-dhiworth penn an karregi my a's gwel, a-dhiworth an breow my a's aspi; otta pobel ow triga aga honan, ha heb omrekna yn mysk an kenedhlow!

Oberow 13:21

Ena i a bysis myghtern, ha Duw a ros dhedha Sowl mab Kish, gour a'n loeth Benyamin, dew-ugens blydhen.

Breusysi 8:22

Ena mebyon Ysrael a leveris dhe Gideon, ‘Reyn warnan, ty ha'th vab ha'th vab-wynn ynwedh, rag ty re'gan delivras dhiworth leuv Midyan.’

1 Samuel 10:19

Mes hedhyw, hwi re naghas agas Duw, neb a'gas delivras dhiworth oll agas droglammow ha'gas galarow. Mes hwi a leveris, “Nansi, mes gorr myghtern warnan.” Lemmyn ytho, sevewgh a-rag an Arloedh orth agas loethow hag orth agas kordhow.’

1 Samuel 12:13

Ytho, otta an myghtern neb re dhewissowgh, ha neb re vynnsowgh; hag awotta, an Arloedh re settyas myghtern warnan.

1 Samuel 12:17

A nyns yw trevas an gwaneth hedhyw? My a elow dhe'n Arloedh, hag ev a dhannvon taran ha glaw; ha hwi a gonvedh ha gweles bos agas sherewynsi bras, re wrussowgh yn golok an Arloedh, dhe wovynn myghtern ragowgh.’

1 Samuel 12:2

Lemmyn, awotta, an myghtern a gerdh a-dheragowgh; ha koth ov vy ha loes, mes yma ow mebyon genowgh. My re gerdhas a-dheragowgh a-dhia'm yowynkneth bys y'n jydh hedhyw.

1 Samuel 9:20

Ha'th asenes esa kellys nans yw tri dydh, na sett dha vrys dhedha; rag i re beu kevys. Ha war biw yw oll desir Ysrael fastys? A nyns usi warnas jy, ha war oll chi dha dasow?’