1 Samuel 8:3 - An Bibel Kernewek 20234 (Kernewek Kemmyn)

³ Mes ny gerdhi y vebyon yn y fordhow, mes i a dreylya a-denewen rag gwayn disonest, ha kemmeres falswobrow ha kamma gwirvreus.

1 Samuel 8:3 Iomraidhean Croise

2 Samuel 15:4

Hag ynwedh Absalom a leveri, ‘Ogh mar pen vy apoyntys breusyas y'n pow! Ena peub a's teva ken po kas a dho dhymm, ha my a wre dhodho gwirvreus.’

Salmow 15:5

neb na ros y arghans yn oker, ha na gemmeras falswober erbynn an den gwiryon. Neb a wra an taklow ma ny vydh ow trebuchya bynitha.

Salmow 26:10

Yma dregynn yn aga diwleuv, ha'ga leuv dhyghow yw leun a falswobrow.

Eksodus 18:21

Dhe voy, dewis gwer abel yn-mes a'n bobel oll, neb a berth own Dhuw, gwer a yllir aga threstya ha kas gansa falswober; ha gorr gwer a'n par ma a-ugh an bobel avel rewloryon a vilyow, a gansow, a hanter-kansow hag a dhegow.

Eksodus 23:6

Ny wredh kammdreylya gwirvreus rag dha dhen boghosek yn y gen.

Eksodus 23:8

Ha ny wredh kemmeres falswober, rag falswober a dhall an re a wel, hag a gammdreyl geryow an re wiryon.

Ekklesiastes 2:19

Ha piw a woer mar pydh an den na po fur po foll? Byttegyns ev a wra maystri war frut ow lavur oll a wrug vy dhe oberi mar fur yn-dann an howl. Hemma ynwedh yw euveredh.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Ysay 33:15

An den a gerdh yn ewnder ha kewsel ewnhynseth, neb a dhenagh gwayn a arwask, neb a shak y dhiwleuv ma na synsons falswober, ha stoppya y skovarn ma na glewons a skoellya goes, ha degea y dhewlagas ma na welons drog –

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Dewteronomi 16:19

Na gammdreyl breus, na bleg dhe fas neb den, na gemmer falswober, rag falswober a dhall dewlagas an re fur ha treylya geryow an re wiryon.

1 Timothi 3:3

heb eva re nag omdhal, mes klor, ha digavyllek, heb kara mona;

1 Timothi 6:10

Rag fenten pub drog yw kerensa mona ha der an hwans ma nebes tus res eth yn sowdhan dhiworth an fydh ha gwana aga honan gans lies galar.

1 Samuel 12:2

Lemmyn, awotta, an myghtern a gerdh a-dheragowgh; ha koth ov vy ha loes, mes yma ow mebyon genowgh. My re gerdhas a-dheragowgh a-dhia'm yowynkneth bys y'n jydh hedhyw.

1 Samuel 2:35

Ha my a dhrehav ragov ow honan oferyas lel, neb a wra war-lergh an pyth usi y'm kolonn ha'm brys. My a dhrehav ragdho chi sur, hag ev a gerdh a-dherag ow untys bys vykken.