1 Samuel 8:20 - An Bibel Kernewek 20234 (Kernewek Kemmyn)

²⁰ may fydhyn ni kepar hag oll an kenedhlow erell, ha rag may hyll agan myghtern agan breusi, ha mones yn-mes a-dheragon, ha'gan ledya yn agan batelyow.’

1 Samuel 8:20 Iomraidhean Croise

Salmow 106:35

Mes i a veu kemmyskys gans an kenedhlow ha dyski aga gwriansow.

Eksodus 33:16

Rag fatell vydh godhvedhys y kevis gras y'th wolok, my ha'th pobel? A nyns yw ty ow kerdhes genen, may fen diblans, my ha'th pobel, a oll an poblow usi war enep an nor?’

Niverow 23:9

Rag a-dhiworth penn an karregi my a's gwel, a-dhiworth an breow my a's aspi; otta pobel ow triga aga honan, ha heb omrekna yn mysk an kenedhlow!

Yowann 15:19

Mar pewgh a'n bys, an bys a garsa y dus y honan; mes rag nyns owgh a'n bys, mes my re'gas dewisas dhiworth an bys, rakhenna an bys a'gas kas.

Romanyon 12:12

yn govenek ow lowenhe, yn galar ow tiskwedhes perthyans, ow pesya yn tiwysyk yn pysadow,

2 Korinthianys 6:17

Rakhenna dewgh yn-mes a-dhiworta, ha bedhewgh diberthys, yn-medh an Arloedh, ha na dochyewgh travyth avlan, ha my a wra agas degemmeres,

Dewteronomi 7:6

Rag ty yw pobel sans dhe'n Arloedh dha Dhuw. An Arloedh dha Dhuw re'th tewisas dhe vos dhodho pobel arbennik dhodho y honan, yn-mes a oll an poblow war enep an norvys.

Filippianys 3:20

Rag yma agan sita y'n nevow, ha ni a wayt gans mall Selwador dhiworti, an Arloedh Yesu Krist,

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

1 Samuel 12:12

Ha pan welsowgh bos Nahash myghtern an Ammonysi ow tos er agas pynn, hwi a leveris dhymm, “Nansi, mes myghtern a reyn warnan”, kynth o an Arloedh agas Duw agas myghtern.

1 Samuel 12:2

Lemmyn, awotta, an myghtern a gerdh a-dheragowgh; ha koth ov vy ha loes, mes yma ow mebyon genowgh. My re gerdhas a-dheragowgh a-dhia'm yowynkneth bys y'n jydh hedhyw.

1 Samuel 8:5

ha leverel dhodho, ‘Otta, koth osta, ha ny gerdh dha vebyon y'th fordhow; ytho apoynt ragon, myghtern dh'agan breusi, kepar hag oll an kenedhlow erell.’