1 Samuel 7:17 - An Bibel Kernewek 20234 (Kernewek Kemmyn)

¹⁷ Ena ev a dhehweli dhe Rama, rag yth esa y ji ena; hag ena ev a vreusi Ysrael; hag ev a dhrehevis ena alter dhe'n Arloedh.

1 Samuel 7:17 Iomraidhean Croise

Jenesis 33:20

Hag ev a dhrehevis ena alter, ha'y elwel El-elohe-ysrael.

Jenesis 35:7

Hag ev a dhrehevis alter ena ha gelwel an tyller El-bethel, rag Duw a omdhiskwedhas dhodho ena pan esa ow fia dhiworth fas y vroder.

Ysay 10:29

Ev re dremenas an bolgh, yn Geba ev a wodrigas dres nos; Rama a gren, Gibea a Sowl re fias.

Breusysi 4:5

Hi a esedha yn-dann balm Debora yntra Rama ha Bethel yn bro venydhyek Efraym, ha mebyon Ysrael a dho dhedhi rag breus.

Breusysi 6:24

Ytho Gideon a dhrehevis alter dhe'n Arloedh ena, ha'y henwel, An Arloedh yw kres. Bys y'n jydh hedhyw y sev yn Ofra an Abiezrysi.

1 Samuel 1:1

Yth esa neb unn gour, a Ramathaym-sofim, a venydh Efraym, ha'y hanow Elkana mab Yeroham mab Elihu mab Tohu mab Suf, Efrathyas.

1 Samuel 1:19

Myttin a-varr i a sevis ha gordhya a-dherag an Arloedh, hag ena i a dhehwelis dh'aga chi dhe Rama. Hag Elkana a aswonnis y wreg, ha'n Arloedh a borthas kov anedhi.

1 Samuel 11:15

Ytho oll an bobel eth dhe Gilgal, hag ena i a wrug Sowl myghtern a-dherag an Arloedh yn Gilgal. Ena i a sakrifias sakrifisow kres a-dherag an Arloedh, hag ena Sowl hag oll gwer Ysrael a lowenhas yn feur.

1 Samuel 14:35

Ha Sowl a dhrehevis alter dhe'n Arloedh; homm o an kynsa alter a dhrehevis ev dhe'n Arloedh.

1 Samuel 15:34

Ena Samuel eth dhe Rama; ha Sowl eth yn-bann dh'y ji yn Gibea a Sowl.

1 Samuel 2:11

Ena Elkana eth dhe Rama dh'y ji, hag yth esa an maw ow servya a-dherag an Arloedh y'n lok Eli.

1 Samuel 28:3

Lemmyn Samuel o marow, hag oll Ysrael a gynis ragdho, ha'y ynkleudhyas yn Rama, y sita y honan. Sowl re bellhasa an nygromonsoryon ha'n goelyogyon mes a'n pow.

1 Samuel 8:4

Ena oll henavogyon Ysrael a omguntellas war-barth ha dos dhe Samuel yn Rama,

1 Samuel 9:12

I a worthybis ha leverel, ‘Usi; ottava a-dheragowgh. Fistenewgh; ev re dheuth nammnygen dhe'n sita, rag yma sakrifis hedhyw rag an bobel y'n tyller ughel.