1 Samuel 7:12 - An Bibel Kernewek 20234 (Kernewek Kemmyn)

¹² Ena Samuel a gemmeras men ha'y settya yntra Mispa ha Yeshana, ha'y henwel Ebenezer; rag ev a leveris, ‘Kyns-lemmyn an Arloedh re'gan gweresas.’

1 Samuel 7:12 Iomraidhean Croise

Jenesis 22:14

Hag Abraham a elwis hanow an tyller na ‘An Arloedh a brovi’; dell yw leverys bys y'n jydh hedhyw, ‘War venydh an Arloedh y fydh proviys.’

Jenesis 35:14

Ha Yakob a dhrehevis peulven y'n tyller may hwrussa kewsel ganso, peulven a ven; hag ev a dhinewis offrynn diwes warnodho, ha dinewi oyl warnodho.

Salmow 71:17

A Dhuw, ty re dhyskas dhymm dhiworth ow yowynkneth, ha prest re venegis vy dha varthusyon.

Salmow 71:6

Genes jy re beuv mentenys dhiworth an brys, ty yw neb a'm kemmeras dhiworth torr ow mamm; ow gormola a vydh prest ahanas.

Eksodus 17:15

Ha Moyses a dhrehevis alter ha'y henwel ‘An Arloedh yw ow baner’,

Ysay 19:19

Y'n jydh na y fydh alter dhe'n Arloedh yn kres pow Ejyp, ha peulven dhe'n Arloedh orth hy or.

Oberow 26:22

Bys y'n jydh ma my re gavas sokor dhiworth Duw, ha rakhenna my a sev ow tustunia orth byghan ha bras, heb leverel travyth marnas an taklow a leveris ha'n brofoesi ha Moyses y hwrens hwarvos,

2 Korinthianys 1:10

Ev re'gan delivras dhiworth mernans mar vras, hag ev a wra agan delivra; warnodho ni re worras agan govenek ev dh'agan delivra arta,

Yoshua 4:9

Yoshua a settyas yn-bann an dewdhek men re bia yn kres an Yordan y'n tyller may sevis treys an oferysi a dhug argh an kevambos; hag ymons i ena bys y'n jydh ma.

1 Samuel 14:35

Ha Sowl a dhrehevis alter dhe'n Arloedh; homm o an kynsa alter a dhrehevis ev dhe'n Arloedh.

1 Samuel 4:1

Ger Samuel a dheuth dhe oll Ysrael. Lemmyn Ysrael eth yn-mes dhe vetya an Filistysi rag an vatel; i a gampyas ryb Ebenezer, ha'n Filistysi a gampyas yn Afek.

1 Samuel 5:1

Wosa an Filistysi dhe gemmeres argh Duw, i a's dros dhiworth Ebenezer dhe Ashdod.

1 Samuel 7:11

Ha gwer Ysrael eth yn-mes a Mispa ha helghya an Filistysi, ha'ga gweskel bys yn Beth-kar.