1 Samuel 6:6 - An Bibel Kernewek 20234 (Kernewek Kemmyn)

⁶ Prag y hwrewgh kaleshe agas kolonn kepar dell wrug an Ejyptianys ha Faro kaleshe aga holonn? Wosa ev dhe wul ges anedha, a ny assons an bobel dhe vones, hag i a dhibarthas?

1 Samuel 6:6 Iomraidhean Croise

Job 9:4

Fur yw ev y'n golonn, ha galloesek yn nerth. Piw re settyas y honan er y bynn ha seweni?

Salmow 95:8

Na galeshewgh agas kolonn kepar dell wrussowgh yn Meriba, hag yn dydh Massa y'n difeyth,

Eksodus 10:3

Ytho Moyses hag Aron eth a-ji dhe Faro, ha leverel dhodho, ‘Yndellma y lever an Arloedh, Duw an Ebrowyon, “Pygemmys prys y neghydh omuvelhe a-ragov? Gas ow fobel dhe vones ma'm serfyons.

Eksodus 14:17

Ha my a galesha kolonn an Ejyptianys mayth ellons war aga lergh, ha my a gyv glori drefenn Faro hag oll y lu, y jarettow, ha'y varghogyon.

Eksodus 14:23

An Ejyptianys a siwyas, ha mos war aga lergh yn mysk an mor, mergh Faro oll, y jarettow ha'y varghogyon.

Eksodus 4:21

Ha'n Arloedh a leveris dhe Moyses, ‘Pan dhehwelydh dhe Ejyp, gwayt gul a-rag Faro an marthusyon oll hag a res vy yn dha dhorn, mes my a wra kaleshe y golonn ma na asso an bobel dhe vones.

Eksodus 7:13

Hwath kolonn Faro o kaleshes ha ny vynna goslowes orta; dell lavarsa an Arloedh.

Eksodus 7:14

Ena an Arloedh a leveris dhe Moyses, ‘Kolonn Faro yw kaleshes; skonya a wra a dhannvon an bobel dhe-ves.

Eksodus 8:15

Mes Faro pan welas bos hedh, ev a galeshas y golonn, ha ny vynna goslowes orta; dell lavarsa an Arloedh.

Eksodus 8:32

Mes Faro a galeshas y golonn an prys ma ynwedh, ha ny asas an bobel dhe vones.

Eksodus 9:16

Mes rakhemma y'th hesis dhe vewa, dhe dhiskwedhes dhis ow galloes, may fo derivys ow hanow war oll an nor.

Eksodus 9:34

Mes pan welas Faro an glaw ha'n keser ha'n taran dhe hedhi, ev a beghas hwath arta, ha kaleshe y golonn, ev ha'y servysi.

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

Ebrowyon 3:13

Mes ynniewgh an eyl y gila pub dydh, hedre vo gelwys ‘Hedhyw’, ma na vowgh kaleshes dre doell peghosow.