1 Samuel 6:5 - An Bibel Kernewek 20234 (Kernewek Kemmyn)

⁵ Ytho hwi a wra imajys a'gas hwedhow hag imajys a'gas logos neb a dhiswra an tir, ha hwi a re glori dhe Dhuw Ysrael; martesen ev a skavha y dhorn a-dhiwarnowgh hag a-dhiwar agas duwow hag a-dhiwar agas tir.

1 Samuel 6:5 Iomraidhean Croise

1 Kroniklys 16:28

Rewgh dhe'n ARLOEDH, hwi deyluyow a'n poblow, rewgh dhe'n Arloedh gordhyans ha nerth.

1 Kroniklys 16:29

Rewgh dhe'n Arloedh an gordhyans a dhegoedh dh'y hanow; drewgh offrynn, ha dewgh a-dheragdho. Gordhyewgh an Arloedh yn tekter sansoleth;

Salmow 18:44

Kettell glewons ahanav, gostydh yns i dhymm; estrenyon a ombleg dhymm.

Salmow 32:4

Rag dydhweyth ha nosweyth poes o dha leuv warnav; ow sugen o treylys kepar hag yn syghor hav. Sela.

Salmow 39:10

Kemmer dha strekys dhiworthiv; dre voemmenn dha leuv yth av vy dhe goll.

Salmow 66:3

Leverewgh dhe Dhuw, ‘Ass osta euthyk y'th wriansow! Dre vraster dha nerth yth ombleg dha eskerens dhiso jy.

Eksodus 12:12

Rag my a wra tremena dres pow Ejyp an nos na, ha my a wra gweskel pub kynsa-genys yn pow Ejyp, ha den ha best; ha war dhuwow Ejyp my a wra breus: my yw an Arloedh.

Eksodus 8:17

Hag i a'n gwrug; Aron a ystynnas y dhorn ha'y welenn, ha gweskel doust an dor, hag y teuth gwibes war dhen ha best; oll doust an dor a dheuth ha bos gwibes dre bow Ejyp oll.

Eksodus 8:24

Ha'n Arloedh a wrug yndellma; y teuth hesow meur a gelyon a-ji dhe ji Faro ha dhe jiow y servysi; ha dre bow Ejyp oll an tir a veu diswrys drefenn an kelyon.

Eksodus 8:5

Ha'n Arloedh a leveris dhe Moyses, ‘Lavar dhe Aron, “Ystynn dha dhorn ha'th welenn dres an avonyow, dres an dowrgleudhyow, ha dres an pollow, ha gul dhe gwilkynyow dos war bow Ejyp.” ’

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Ysay 42:12

Rens i gordhyans dhe'n Arloedh ha derivas i y wormola y'n arvoryow.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Yeremia 3:13

Mes unnweyth aswonn dha dhrogober, may treuspassys erbynn an Arloedh dha Dhuw, ha may resys dha honan yn hel dhe estrenyon yn-dann bub gwydhenn las, ha ny woslewsowgh orth ow lev, yn-medh an Arloedh.

Yoel 2:25

My a astiver dhywgh an blydhynyow a wrug hes an lokustes aga dybri, an lokust diaskell, an lokust distruel, ha'n lokust yowynk, ow lu bras a dhannvenis yn agas mysk.

Yona 3:9

Piw a woer, a wra Duw treylya ha kemmeres edrek, ha treylya dhiworth y sorr fers, ma na wryllyn ni mos dhe goll?’

Malaki 2:2

Mar ny woslewowgh, ha mar ny worrowgh agas kolonn dhe ri glori dhe'm hanow, yn-medh Arloedh an luyow, my a dhannvon molleth warnowgh hwi, ha my a volleth agas bennathow. Yn hwir, my a's mollethis seulabrys, rag na'n gorrsowgh yn agas kolonn.

Niverow 33:4

ha'n Ejyptianys owth ynkleudhyas pub kynsa-genys, re bia gweskys yn aga mysk gans an Arloedh; war aga duwow ynwedh an Arloedh a wrug breusow.

Yowann 9:24

Ena i a elwis nessa gweyth an den o dall ha leverel dhodho, ‘Ro dhe Dhuw an gordhyans; ni a woer an den ma dhe vos peghador.’

Yoshua 7:19

Ena Yoshua a leveris dhe Akan, ‘Ow mab, ro enor dhe'n Arloedh, Duw Ysrael, ha ro grasyans dhodho. Deriv dhymm pandr'a wrussys; na gudh e ahanav.’

Diskwedhyans 11:13

Hag y'n keth eur y feu dorgrys bras ha'n degves rann a'n sita a goedhas, hag y'n dorgrys seyth mil dhen a veu ledhys, ha'n re erell a veu dyegrys ha ri gordhyans dhe Dhuw nev a wrussons i.

Diskwedhyans 14:7

ow leverel, ughel y lev, ‘Porth own a Dhuw, ha ro glori dhodho, rag bos eur y vreus devedhys, ha gwra gormel neb a wrug nev ha nor ha'n mor ha'n fentynyow a dhowrow.’

Diskwedhyans 16:9

Ha tus a veu leskys dre doemmder bras, hag i a vlasfemyas hanow Duw neb a'n jeves galloes war an plaow ma, ha ny gemmersons edrek dhe ri gordhyans dhodho.

1 Samuel 5:11

Ytho i a dhannvonas ha kuntell war-barth oll gwahalyethow an Filistysi, ha leverel, ‘Dannvenewgh dhe-ves argh Duw Ysrael ha gas hi dhe dhehweles dh'y le hy honan, ma na wrello agan ladha ni, na'gan pobel.’ Rag yth esa skruth marwel y'n sita oll. Ha leuv Duw o fest poes ena;

1 Samuel 5:9

Y hwarva, wosa i dh'y dri di, bos leuv an Arloedh erbynn an sita, gans skruth pur vras; ev a blagyas gwer an sita, yowynk ha hen, may tardhas yn-mes hwedhow warnedha.

1 Samuel 6:8

Kemmerewgh argh an Arloedh ha'y gorra war an kert, ha gorrewgh an taklennow a owr, a dhaskorrowgh dhodho rag offrynn kammweyth, yn kist rybdhi, ha'y dannvon dhe-ves war hy fordh.