1 Samuel 6:3 - An Bibel Kernewek 20234 (Kernewek Kemmyn)

³ Hag i a leveris, ‘Mar tannvenowgh dhe-ves argh Duw Ysrael, na's dannvenewgh gwag, mes res yw dhywgh dannvon dhodho offrynn kammweyth ynwedh. Ena hwi a vydh sawys hag y fydh godhvedhys dhywgh prag nag yw y dhorn treylys a-dhiworthowgh.’

1 Samuel 6:3 Iomraidhean Croise

Job 10:2

My a lever dhe Dhuw, Na'm dampen; lavar dhymm, pyth yw dha guhudhans er ow fynn.

Eksodus 23:15

Ty a wra goelya goel an bara heb goell; dell worhemmynnis dhis, ty a wra dybri bara heb goell seyth dydh dhe'n prys ordenys y'n mis Abib, rag ynno y teuthewgh yn-mes a Ejyp. Ny wra nagonan sevel a-ragov gwag y dhorn.

Eksodus 34:20

Kynsa-genys an asen ty a dhaspren gans oen, po mar ny'n dasprenydh, ty a wra terri y gonna. Kynsa-genys oll dha vebyon ty a wra dasprena. Na ny wra nagonan omdhiskwedhes a-ragov gwag y dhiwleuv.

Eksodus 8:15

Mes Faro pan welas bos hedh, ev a galeshas y golonn, ha ny vynna goslowes orta; dell lavarsa an Arloedh.

Levitikus 5:6

Hag ev a dhre y offrynn kammweyth dhe'n Arloedh rag an pegh re wrug, davas venow a'n flokk, oen po mynn a'n gever rag offrynn pegh ha'n oferyas a wra dehwelyans ragdho rag y begh.

Levitikus 6:6

Hag ev a dhre y offrynn kammweyth dhe'n Arloedh, hordh heb namm a'n flokk, talvesys genes, rag offrynn kammweyth, dhe'n oferyas.

Dewteronomi 16:16

Teyrgweyth y'n vlydhen pub gorreydh ahanowgh a vydh gwelys a-rag an Arloedh dha Dhuw y'n tyller a wra y dhewis: yn goel an bara heb goell, yn dy'goel an seythunyow, hag yn goel an skovvaow; ha ny vydh gwelys a-rag an Arloedh gwag y leuv.

1 Samuel 5:11

Ytho i a dhannvonas ha kuntell war-barth oll gwahalyethow an Filistysi, ha leverel, ‘Dannvenewgh dhe-ves argh Duw Ysrael ha gas hi dhe dhehweles dh'y le hy honan, ma na wrello agan ladha ni, na'gan pobel.’ Rag yth esa skruth marwel y'n sita oll. Ha leuv Duw o fest poes ena;

1 Samuel 5:7

Pan welas gwer Ashdod fatell o traow, yn-medhons, ‘Na wres argh Duw Ysrael triga genen; rag poes yw y dhorn warnan ha war agan duw Dagon.’

1 Samuel 5:9

Y hwarva, wosa i dh'y dri di, bos leuv an Arloedh erbynn an sita, gans skruth pur vras; ev a blagyas gwer an sita, yowynk ha hen, may tardhas yn-mes hwedhow warnedha.

1 Samuel 6:8

Kemmerewgh argh an Arloedh ha'y gorra war an kert, ha gorrewgh an taklennow a owr, a dhaskorrowgh dhodho rag offrynn kammweyth, yn kist rybdhi, ha'y dannvon dhe-ves war hy fordh.

1 Samuel 6:9

Ha mirewgh orti; mar teu yn-bann war an fordh dh'y thiredh hy honan, dhe Beth-shemesh, ena ev re wrug dhyn an drog bras ma; mes mar ny'n gwra, ena ni a woer nag yw y dhorn a'gan gweskis; y hwarva par happ.’