1 Samuel 6:19 - An Bibel Kernewek 20234 (Kernewek Kemmyn)

¹⁹ Hag ev a weskis gwer Beth-shemesh, drefenn i dhe vires a-ji dhe argh an Arloedh; hag ev a weskis deg ha tri-ugens gour anedha. An bobel a gynis, drefenn an Arloedh dhe wul ladhva veur yn mysk an bobel.

1 Samuel 6:19 Iomraidhean Croise

2 Samuel 6:7

Sorr Duw a dhewis erbynn Uzza; ha Duw a'n gweskis dhe'n dor ena drefenn y volder; hag ev a verwis ena ryb argh Duw.

2 Kroniklys 25:21

Yndella Yoash myghtern Ysrael eth yn-bann hag ev hag Amasia myghtern Yuda a vatalyas, an eyl erbynn y gila yn Beth-shemesh, yw dhe Yuda.

Eksodus 19:21

Ha'n Arloedh a leveris dhe Moyses, ‘Diyskynn ha gwarnya an bobel ma na steffyons yn-bann dhe'n Arloedh dhe vires, ha lies anedha merwel.

Eksodus 33:4

Pan glewas an bobel an yeyn nowodhow ma, i a gynis; ha ny wiskas denvyth y degynnow.

Niverow 1:51

Pan wra an tabernakel mos yn-rag, an Levysi a wra y dhisevel; ha pan dheu an tylda dhe vos settys yn-bann, an Levysi a wra y sevel. Ha mar teffo estren yn ogas, ev a vydh gorrys dhe'n mernans.

Niverow 4:15

Ha pan vydh Aron ha'y vebyon gorfennys ow kudha an sentri hag oll daffar an sentri, dell dhalleth an kamp war an fordh, wosa henna mebyon Kohath a wra dos dhe dhoen an re ma, mes ny goedh dhedha tochya an taklow sans, ma na varwons. An re ma yw taklow tylda an kuntelles a vydh degys gans mebyon Kohath.

Niverow 4:18

‘Na as loeth teyluyow an Kohathysi dhe vos distruys yn mysk an Levysi;

Niverow 4:20

mes nyns ons dhe vires war an taklow sans hwath rag pols, ma na varwons.’

Dewteronomi 29:29

An Arloedh agan Duw a bew an taklow kudhys, mes dhyn ni yma an taklow diskudhys, ha dh'agan mebyon bys vykken, rag may hwryllyn oll geryow an lagha ma.

Kolossianys 2:18

Na wres denvyth kemmeres dhiworthowgh agas gober, ow kovynn uvelder ha gordhyans eledh, ow teskrifa an manylyon a daklow na welas, omhwythys yn euver dre vrys y gig,

1 Peder 4:17

Rag devedhys yw an termyn dhe dhalleth an vreus orth teylu Duw, ha mar talleth orthyn ni, pandr'a vydh gorfenn an re nag yw gostydh dhe aweyl Duw?