1 Samuel 6:17 - An Bibel Kernewek 20234 (Kernewek Kemmyn)

¹⁷ An re ma yw an hwedhow owrek a dhaskorras an Filistysi avel offrynn kammweyth dhe'n Arloedh: onan rag Ashdod, onan rag Gaza, onan rag Ashkelon, onan rag Gath, onan rag Ekron;

1 Samuel 6:17 Iomraidhean Croise

2 Samuel 1:20

Na wrewgh y leverel yn Gath, na wra y dhyllo yn stretow Ashkelon; ma na lowenhaho myrghes an Filistysi, ma na heudhhaho myrghes an re antrodreghys.

2 Samuel 21:22

An peswar ma a veu dineythys dhe'n gewri yn Gath, hag i a goedhas dre leuv Davydh, ha dre leuv y wesyon.

2 Myghternedh 1:2

Lemmyn Ahazia re goedhsa der an lattis yn y jambour y'n soler yn Samaria, hag o klav. Ytho ev a dhannvonas kannasow, ow leverel dhedha, ‘Kewgh ha govynnewgh orth Baal-zebub, duw Ekron, mar kwrav gwellhe dhiworth an kleves ma.’

2 Kroniklys 26:6

Ev eth yn-mes hag a werryas erbynn an Filistysi, hag ev a dorras dhe'n dor fos Gath ha fos Yabne ha fos Ashdod; ev a dhrehevis sitys yn tiredh Ashdod hag yn tylleryow erell yn mysk an Filistysi.

Yeremia 25:20

hag oll an bobel gemmyskys, hag oll myghternedh pow Us, hag oll myghternedh pow an Filistysi, hag Ashkelon, ha Gaza, hag Ekron ha remenant Ashdod;

Levitikus 5:7

Ha mar nyns eus yn y leuv pygans lowr rag oen, ev a dhre, avel offrynn kammweyth rag an pegh a wrug, diw durenn po diw golomm yowynk dhe'n Arloedh, onan rag offrynn pegh ha'y ben rag offrynn leskys.

Amos 1:6

Yndellma y lever an Arloedh: Rag tri hammweythres a Gaza, ha rag peswar, ny wrav vy hepkorr an kessydhyans; drefenn i dhe dhoen pobel gowal yn divroedh orth aga delivra dhe Edom.

Amos 6:2

Tremenewgh dhe Kalne, ha gwelewgh, hag alena kewgh dhe Hamath veur, hag ena diyskynnewgh dhe Gath an Filistysi. Yns i gwell ages an gwlaskordhow ma? Po yw aga thiredh brassa ages agas tiredh hwi?

Dewteronomi 28:27

An Arloedh a'th wysk gans bryghi Ejyp, ha gans hwedhow, ha gans krevennow, ha dre'n debron, ma na yllydh bos yaghhes.

Breusysi 1:18

Yuda a gemmeras Gaza ynwedh gans hy thiredh, hag Ashkelon gans hy thiredh, hag Ekron gans hy thiredh.

Breusysi 14:19

Ena spyrys an Arloedh a fyskas warnodho, hag ev eth yn-nans dhe Ashkelon. Ev a ladhas deg gour warn ugens a'n dre, hag a gemmeras aga freydh, hag a ros an dillasennow dhe'n re re a dhisplegsa an govynn koynt. Yn sorr poeth ev a dhehwelis dhe ji y das.

Breusysi 16:1

Samson eth dhe Gaza, hag ena ev a welas hora hag a entras dhedhi.

Breusysi 16:21

Yndella an Filistysi a'n sesyas hag a droghas yn-mes y dhewlagas. I a'n dros yn-nans dhe Gaza ha'y gelmi gans kargharow a vrons; hag ev a veu settys dhe velyas greun y'n prison.

1 Samuel 5:1

Wosa an Filistysi dhe gemmeres argh Duw, i a's dros dhiworth Ebenezer dhe Ashdod.

1 Samuel 5:10

Rakhenna i a dhannvonas argh Duw dhe Ekron. Mes pan dheuth argh Duw dhe Ekron, an Ekronysi a armas ow leverel, ‘Prag y trosons omma dhyn argh Duw Ysrael dh'agan ladha ni ha'gan tus?’

1 Samuel 5:8

Rakhenna i a dhannvonas ha kuntell war-barth oll gwahalyethow an Filistysi dhedha, ha leverel, ‘Pandr'a wren ni gans argh Duw Ysrael?’ I a worthybis, ‘Bedhes argh Duw Ysrael degys a-dro dhe Gath.’ Ytho i a dhug argh Duw di.

1 Samuel 6:4

Hag i a leveris, ‘Pandr'yw an offrynn kammweyth a dhaskorryn dhodho?’ I a worthybis, ‘Pymp hwedh owrek ha pymp logosenn owrek, war-lergh niver gwahalyethow an Filistysi; rag yth esa an keth pla warnowgh oll, ha war agas rewloryon.