1 Samuel 5:8 - An Bibel Kernewek 20234 (Kernewek Kemmyn)

⁸ Rakhenna i a dhannvonas ha kuntell war-barth oll gwahalyethow an Filistysi dhedha, ha leverel, ‘Pandr'a wren ni gans argh Duw Ysrael?’ I a worthybis, ‘Bedhes argh Duw Ysrael degys a-dro dhe Gath.’ Ytho i a dhug argh Duw di.

1 Samuel 5:8 Iomraidhean Croise

1 Kroniklys 7:21

Zabad y vab, ha Shuthelagh y vab. Ezer hag Elead a veu ledhys gans gwer Gath, trigoryon enesik an tir, drefenn i dhe dhiyskynna rag kemmeres aga chatel.

Amos 6:2

Tremenewgh dhe Kalne, ha gwelewgh, hag alena kewgh dhe Hamath veur, hag ena diyskynnewgh dhe Gath an Filistysi. Yns i gwell ages an gwlaskordhow ma? Po yw aga thiredh brassa ages agas tiredh hwi?

Zekaria 12:3

Y'n jydh na my a wra Yerusalem karrek veghus rag oll an poblow. Myns yw beghys gensi a vydh skwardys yn sevur, pan omguntell oll kenedhlow an norvys er hy fynn.

Yoshua 13:3

a-dhiworth an Shihor, usi a'n howldrevel dhe Ejyp, dhe or Ekron a'n gledhbarth (reknys yw avel kananek, kyn fo dhe bymp gwahalyeth an Filistysi, a Gaza, a Ashdod, a Ashkelon, a Gath, hag a Ekron); tiredh an Avviysi

Yoshua 15:11

Yth eth an or dhe leder Ekron a'n barth kledh, ha treylya dhe Shikkeron, ha tremena dhe venydh Baala, ha dos dhe Yabneel; ha diwedh an or o an mor.

1 Samuel 17:4

Hag y teuth yn-mes a gamp an Filistysi kampyer, ha'y hanow Goliath a Gath, neb o hwegh kevelin ha dornva yn ughelder.

1 Samuel 17:52

Ha gwer Ysrael ha Yuda a sevis ha garma ha helghya an Filistysi bys yn Gath ha yetys Ekron may koedhas an Filistysi ledhys war an fordh a-dhiworth Shaaraym bys yn Gath hag Ekron.

1 Samuel 29:6

Ena Akish a elwis Davydh ha leverel dhodho, ‘Dell vew an Arloedh, ty re beu ewnhynsek, hag y'm golok yth hevel ewn dhymm ty dhe vones yn-mes ha dones a-ji genev y'n lu; rag ny gevis drog vyth ynnos a-dhia'n jydh may teuthys dhymm bys y'n jydh hedhyw. Byttegyns nyns osta da yn dewlagas an wahalyethow.

1 Samuel 5:11

Ytho i a dhannvonas ha kuntell war-barth oll gwahalyethow an Filistysi, ha leverel, ‘Dannvenewgh dhe-ves argh Duw Ysrael ha gas hi dhe dhehweles dh'y le hy honan, ma na wrello agan ladha ni, na'gan pobel.’ Rag yth esa skruth marwel y'n sita oll. Ha leuv Duw o fest poes ena;

1 Samuel 5:7

Pan welas gwer Ashdod fatell o traow, yn-medhons, ‘Na wres argh Duw Ysrael triga genen; rag poes yw y dhorn warnan ha war agan duw Dagon.’

1 Samuel 6:2

an Filistysi a elwis an oferysi ha'n goelyogyon ha leverel, ‘Pandr'a wren gans argh an Arloedh? Leverewgh dhyn pandr'a dannvenyn gensi dh'y le.’