1 Samuel 5:6 - An Bibel Kernewek 20234 (Kernewek Kemmyn)

⁶ Mes dorn an Arloedh o poes war dus Ashdod, hag ev a's ravnas ha'ga flagya gans hwedhow, yn Ashdod hag yn y diredh.

1 Samuel 5:6 Iomraidhean Croise

Jenesis 41:31

Ha ny vydh kov a'n palster y'n wlas drefenn an divoetter a dheu a'y wosa; rag poes dres eghenn y fydh.

Job 31:3

A nyns yw anfeusi rag an dhrogoberer, terroes rag an re a wra droktra?

Salmow 145:20

An Arloedh a with pubonan a'n kar; mes oll an debeles a wra ev dhe dhistrui.

Salmow 147:6

An Arloedh a skoedh an re hwar, hag a iselha an debeles dhe'n leur.

Salmow 32:4

Rag dydhweyth ha nosweyth poes o dha leuv warnav; ow sugen o treylys kepar hag yn syghor hav. Sela.

Salmow 78:66

Ev a weskis y eskerens war-tu delergh, hag a ros disenor dhedha bynitha.

Eksodus 9:3

otta, dorn an Arloedh a goedh gans pla meur war agas gwarthek usi y'n parkow, an vergh, an asenes, an kowrvergh, an oghen ha'n greow.

Oberow 13:11

Ha lemmyn, otta, yma leuv an Arloedh warnas, ha dall vydhydh heb gweles an howl rag termyn.’ Ha hware niwl ha tewlder a goedhas warnodho hag ev eth a-dro yn-dann hwilas tus dh'y ledya er an leuv.

Dewteronomi 28:27

An Arloedh a'th wysk gans bryghi Ejyp, ha gans hwedhow, ha gans krevennow, ha dre'n debron, ma na yllydh bos yaghhes.

1 Samuel 5:11

Ytho i a dhannvonas ha kuntell war-barth oll gwahalyethow an Filistysi, ha leverel, ‘Dannvenewgh dhe-ves argh Duw Ysrael ha gas hi dhe dhehweles dh'y le hy honan, ma na wrello agan ladha ni, na'gan pobel.’ Rag yth esa skruth marwel y'n sita oll. Ha leuv Duw o fest poes ena;

1 Samuel 5:7

Pan welas gwer Ashdod fatell o traow, yn-medhons, ‘Na wres argh Duw Ysrael triga genen; rag poes yw y dhorn warnan ha war agan duw Dagon.’

1 Samuel 5:9

Y hwarva, wosa i dh'y dri di, bos leuv an Arloedh erbynn an sita, gans skruth pur vras; ev a blagyas gwer an sita, yowynk ha hen, may tardhas yn-mes hwedhow warnedha.