1 Samuel 5:1 - An Bibel Kernewek 20234 (Kernewek Kemmyn)

¹ Wosa an Filistysi dhe gemmeres argh Duw, i a's dros dhiworth Ebenezer dhe Ashdod.

1 Samuel 5:1 Iomraidhean Croise

Salmow 78:61

Ev a dhelivras y nerth dhe gethneth, y wolewder dhe leuv an eskar.

Ysay 20:1

Y'n vlydhen may teuth dhe Ashdod an Pennkaslewydh, a veu dannvenys gans Sargon myghtern Assyria, ha batalyas orth Ashdod ha'y hemmeres –

Amos 3:9

Diskleryewgh dhe'n palesyow yn Ashdod, ha dhe'n palesyow yn pow Ejyp, ha leverewgh: ‘Omguntellewgh war venydhyow Samaria, ha gwelewgh an lies arwask eus ynni, ha'n dus arweskys a-berth ynni.’

Oberow 8:40

Mes Felip a veu kevys yn Azotus, hag ow mos dres an pow ev a bregowthas an aweyl y'n sitys oll bys pan dheuth dhe Sesarea.

Yoshua 11:22

Nyns esa gesys an Anakim yn tir an Ysraelysi, mes nebes a veu gesys yn Gaza, yn Gath, hag yn Ashdod.

Yoshua 13:3

a-dhiworth an Shihor, usi a'n howldrevel dhe Ejyp, dhe or Ekron a'n gledhbarth (reknys yw avel kananek, kyn fo dhe bymp gwahalyeth an Filistysi, a Gaza, a Ashdod, a Ashkelon, a Gath, hag a Ekron); tiredh an Avviysi

1 Samuel 4:1

Ger Samuel a dheuth dhe oll Ysrael. Lemmyn Ysrael eth yn-mes dhe vetya an Filistysi rag an vatel; i a gampyas ryb Ebenezer, ha'n Filistysi a gampyas yn Afek.

1 Samuel 4:11

Hag argh Duw o kemmerys; ha'n dhew vab a Eli, Hofni ha Finehas, a verwis.

1 Samuel 4:22

Yn-medh hi, ‘An glori re dhibarthas a-dhiworth Ysrael, rag argh Duw re beu kemmerys.’

1 Samuel 6:1

Wosa argh an Arloedh dhe vos yn bro an Filistysi seyth mis,

1 Samuel 7:12

Ena Samuel a gemmeras men ha'y settya yntra Mispa ha Yeshana, ha'y henwel Ebenezer; rag ev a leveris, ‘Kyns-lemmyn an Arloedh re'gan gweresas.’