1 Samuel 4:3 - An Bibel Kernewek 20234 (Kernewek Kemmyn)

³ Pan dheuth an bobel y'n kamp, henavogyon Ysrael a leveris, ‘Prag y'gan fethas an Arloedh hedhyw a-dherag an Filistysi? Dren ni argh kevambos an Arloedh omma a-dhiworth Shilo rag may hallo dos yn agan mysk ha'gan sawya mes a leuv agan eskerens.’

1 Samuel 4:3 Iomraidhean Croise

2 Samuel 15:25

Ena yn-medh an myghtern dhe Sadok, ‘Kemmer argh Duw a-ji dhe'n sita arta. Mar kavav gras yn golok an Arloedh, ev a'm dre arta, ha gasa my dh'y gweles, hi hy honan ha'y thrigva.

1 Kroniklys 17:1

Pan esa myghtern Davydh trigys yn y ji, ev a leveris dhe Nathan an profoes, ‘Otta, yth esov trigys yn chi a brenn keder, mes yma argh kevambos an Arloedh yn-dann groglennow tylda.’

Salmow 74:1

Prag, A Dhuw, re'gan skonsys bynitha? Prag y feg dha sorr orth deves dha beurva?

Salmow 74:11

Prag y tennydh dha leuv, dha leuv dhyghow, war-dhelergh? Kemmer hi dhiworth dha askra ha'ga hisya.

Ysay 50:1

Yndellma y lever an Arloedh: Ple'ma testenn torrva demmedhyans dha vamm, gensi ma's gorris dhe-ves? Po py a'm kresysoryon yw dhodho ma'th werthis vy? Otta, drefenn dha beghosow y feus gwerthys, ha rag dha dreuspassow y feu dha vamm gorrys dhe-ves.

Ysay 58:3

‘Prag y penyssyn, mes ny welsys? Prag yth uvelhasyn agan enev, mes ny wodhves?’ Otta, yn dydh agas penys hwi re gavas plesour, hag arwaska oll agas gweythoryon.

Ysay 59:1

Awotta, nyns yw leuv an Arloedh re verr dhe sawya, ha nyns yw y skovarn re boes dhe glewes.

Ysay 59:2

Mes agas kammweythresow re wrug diberth yntra hwi ha'gas Duw, ha'gas peghosow re gudhas y fas ragowgh, ma na wra ev klewes.

Yeremia 3:16

Hag y hwyrvydh, pan vydhowgh palshes ha kressys y'n tir, y'n dydhyow na, yn-medh an Arloedh, ny leverons moy, ‘Argh kevambos an Arloedh.’ Ny dheu y'n brys; na ny vydh kovhes; na ny vynnons y visitya namoy; na ny vydh henna gwrys arta.

Yeremia 7:4

Na fydhyewgh yn geryow gow, ow leverel, ‘Hemm yw tempel an Arloedh, tempel an Arloedh, tempel an Arloedh.’

Niverow 10:33

Ytho i eth yn-kerdh a venydh an Arloedh vyaj tri dydh; hag argh kevambos an Arloedh eth a-ragdha vyaj tri dydh, dhe hwilas powesva ragdha.

Niverow 10:35

Ha peskweyth mayth e an argh yn-kerdh, Moyses a leveri, ‘Sav, A Arloedh, ha gas dha eskerens dhe vos skattrys; ha gas i a'th kas dhe fia a-dheragos.’

Niverow 31:6

Ha Moyses a's dannvonas dhe'n vresel, mil a bub loeth, war-barth gans Finehas mab Eleazar an oferyas, gans lestri an sentri ha'n hirgern rag gwarnyans yn y dhorn.

Dewteronomi 29:24

Oll an kenedhlow a lever, ‘Prag y hwrug an Arloedh yndella dhe'n tir ma? Pandr'a styr poethter an sorr bras ma?’

Dewteronomi 31:26

‘Kemmerewgh an lyver ma a'n lagha ha'y settya ryb argh kevambos an Arloedh agas Duw, rag may fo eno yn test er dha bynn.

2 Timothi 3:5

gans semlans sansoleth mes ow nagha y alloes. Treyl dhiworth an re ma.

Ebrowyon 9:4

a'n jevo ynno an alter owrek a ynkys hag argh an kevambos kudhys pub tenewen gans owr, hag ynni seth owrek a synsi an manna, ha gwelenn Aron hag a eginas, ha leghennow an kevambos;

Yoshua 4:7

ena hwi a lever dhedha, y feu dowrow an Yordan stoppys a-rag argh kevambos an Arloedh. Pan dreusis an Yordan, stoppys veu dowrow an Yordan. Ytho an meyn ma a vydh kovadh dhe'n Ysraelysi bys vykken.’

Yoshua 6:6

Ytho Yoshua mab Nun a elwis an oferysi ha leverel dhedha, ‘Degewgh argh an kevambos, ha gas seyth oferyas dhe dhoen seyth hirgorn a gern hordhes a-rag argh an Arloedh.’

Yoshua 7:7

Yoshua a leveris, ‘Eghan, Arloedh Duw, prag y tresys an bobel ma dres an Yordan rag agan ri yn leuv an Amorysi dhe vos distruys? Unnweyth a pen ni pes da ow triga a'n tu arall dhe'n Yordan!

Yoshua 7:8

A Arloedh, pandr'a lavarav, pan dreylyas Ysrael aga hilbenn dh'aga eskerens?

1 Peder 3:21

Hemm yw tokyn a'gan saw lemmyn, henn yw besydhyans. Nyns yw gorra dhe-ves mostedhes an kig mes gorthyp kowses da dhe Dhuw dre dhasserghyans Yesu Krist,

Lyther Yud 1:5

My a vynn dri dh'agas kov, hwi neb a woer pup-tra seulabrys, y hwrug an Arloedh, a dhelivras y bobel yn-mes a bow Ejyp, distrui an dhiskryjygyon a-wosa;

1 Samuel 1:24

Ha wosa hi dh'y dhidhena, hi a'n kemmeras yn-bann gensi, gans lodhen tri bloedh, hag unn efa a vleus, ha seth a win. Hi a'n dros dhe ji an Arloedh yn Shilo; ha'n maw o yowynk.

1 Samuel 14:18

Ena Sowl a leveris dhe Ahiya, ‘Dro omma argh Duw.’ Rag y'n termyn na yth esa argh Duw gans mebyon Ysrael.

1 Samuel 4:2

An Filistysi a arayas aga honan erbynn Ysrael, ha pan gressyas an vatel, Ysrael o fethys gans an Filistysi, neb a ladhas y'n linenn y'n gwel a-dro dhe beswar mil wour.