1 Samuel 4:10 - An Bibel Kernewek 20234 (Kernewek Kemmyn)

¹⁰ Ytho an Filistysi a vatalyas; hag Ysrael o fethys, hag i a fias pub gour dh'y dylda. Yth esa ladhva pur vras, rag y koedhas a Ysrael deg mil droesek warn ugens.

1 Samuel 4:10 Iomraidhean Croise

2 Samuel 18:17

I a gemmeras Absalom ha'y dewlel yn pytt bras y'n goeswik, ha drehevel a-ughto kals bras a veyn. Hag oll Ysrael a fias, pubonan dh'y dylda.

2 Samuel 18:7

Pobel Ysrael a veu gweskys ena a-rag gwesyon Davydh, hag yth esa ladhva veur y'n jydh na, ugens mil wour.

2 Samuel 19:8

Ytho an myghtern a sevis hag esedha y'n yet. Hag y feu derivys orth oll an bobel, ‘Awotta, yma an myghtern owth esedha y'n yet.’ Hag oll an bobel a dheuth dherag an myghtern. Mes oll Ysrael re fisa pub gour dh'y dylda.

2 Samuel 20:1

Y hwarva bos gour Belial ena, ha'y hanow Sheba mab Bikri, Benyaminyas. Ev a hwythas an hirgorn ha garma, ‘Nyns eus dhyn rann vyth yn Davydh, na eretons yn mab Yesse. Pub gour dh'y dylda, A Ysrael!’

1 Myghternedh 12:16

Pan welas oll Ysrael oll na vynna an myghtern goslowes orta, an bobel a worthybis dhe'n myghtern, ‘Pana rann a'gan beus yn Davydh? Nyns eus eretons yn mab Yesse. Dh'agas tyldow, Ysrael! Mirewgh dhe'th chi dha honan, Davydh.’ Ytho Ysrael eth dhe-ves dh'aga thyldow.

1 Myghternedh 22:36

Ena a-dro dhe howlsedhes garm eth der an lu ervys, ‘Pub gour dh'y sita, ha pub gour dh'y vro y honan!’

2 Myghternedh 14:12

Yuda a veu fethys gans Ysrael, ha pub gour a fias dh'y dylda.

2 Kroniklys 13:17

Abia ha'y lu a's fethas gans ladhva veur; pymp kans mil wour dhewisys a Ysrael a goedhas ledhys.

2 Kroniklys 25:22

Yuda a veu fethys gans Ysrael; pub huni a fias dhe dre.

Salmow 78:9

Kepar ha mebyon Efraym, ervys hag ow toen gwaregow, neb a dreylyas aga heynow yn dydh an gas.

Yeremia 7:12

Kewgh lemmyn bys y'm tyller esa yn Shilo, le may hwrugavy ow hanow dhe driga yn kynsa, ha gwelewgh an pyth a wrug dhodho drefenn drogedh ow fobel Ysrael.

Levitikus 26:17

Ha my a sett ow fas er agas pynn, ha hwi a vydh gweskys dherag agas eskerens. An re a'gas kas a rewl warnowgh, ha hwi a fi pan na'gas siw denvyth.

Dewteronomi 28:15

Mes mar ny woslowydh orth lev an Arloedh dha Dhuw, ow kwitha hag ow kul oll y worhemmynnow ha'y ordenansow esov orth aga gorhemmynna dhis hedhyw, ena y tons warnas oll an mollothow ma, hag i a dremen dresos.

Dewteronomi 28:25

An Arloedh a wra dhis bos fethys gans dha eskerens. Yth edh yn-mes er y bynn yn unn fordh ha fia yn seyth fordh a-ragdho, ha ty a vydh euth dhe oll kenedhlow an norvys.

1 Samuel 3:11

Ha'n Arloedh a leveris dhe Samuel, ‘Otta, my a wra tra a verr spys yn Ysrael a wra dhe dhiwskovarn peub a'n klew kosa.

1 Samuel 4:2

An Filistysi a arayas aga honan erbynn Ysrael, ha pan gressyas an vatel, Ysrael o fethys gans an Filistysi, neb a ladhas y'n linenn y'n gwel a-dro dhe beswar mil wour.