1 Samuel 31:6 - An Bibel Kernewek 20234 (Kernewek Kemmyn)

⁶ Ytho Sowl a verwis, ha'y dri mab, ha deger y arvow, hag oll y wer, war-barth y'n keth jydh.

1 Samuel 31:6 Iomraidhean Croise

2 Samuel 1:1

Wosa mernans Sowl, pan dhehwelis Davydh dhiworth ladhva an Amalekysi, Davydh a wortas dew dhydh yn Siklag.

2 Samuel 1:12

I a gynis hag oela ha penys bys gorthugher rag Sowl ha rag y vab Yonathan, ha rag pobel an Arloedh, ha rag chi Ysrael, drefenn i dhe goedha der an kledha.

1 Kroniklys 10:6

Yndella Sowl a verwis ha'y dri mab, hag oll y deylu a verwis war-barth.

Breusysi 9:54

Distowgh ev a elwis dhe'n yonker deger y arvow hag a leveris dhodho, ‘Tenn dha gledha ha'm ladha, ma na leverrer yn ow hever, “Benyn a'n ladhas.” ’ Ytho an yonker a'n gwanas, hag y ferwis.

1 Samuel 11:15

Ytho oll an bobel eth dhe Gilgal, hag ena i a wrug Sowl myghtern a-dherag an Arloedh yn Gilgal. Ena i a sakrifias sakrifisow kres a-dherag an Arloedh, hag ena Sowl hag oll gwer Ysrael a lowenhas yn feur.

1 Samuel 12:17

A nyns yw trevas an gwaneth hedhyw? My a elow dhe'n Arloedh, hag ev a dhannvon taran ha glaw; ha hwi a gonvedh ha gweles bos agas sherewynsi bras, re wrussowgh yn golok an Arloedh, dhe wovynn myghtern ragowgh.’

1 Samuel 12:25

Mes mar pesyowgh gul drogoberow, hwi ha'gas myghtern ynwedh a vydh skubys dhe-ves.’

1 Samuel 26:10

Hag yn-medh Davydh ynwedh, ‘Dell vew an Arloedh, an Arloedh a'n gwysk dhe'n dor; po y jydh a dheu dhe verwel; po ev a wra mos yn-nans yn batel ha merwel.

1 Samuel 28:19

Ynwedh an Arloedh a re Ysrael war-barth genes a-berth yn leuv an Filistysi; hag a-vorow ty ha'th vebyon a vydh genev; an Arloedh a re lu Ysrael ynwedh a-berth yn leuv an Filistysi.’

1 Samuel 31:5

Pan welas deger y arvow bos Sowl marow, ev ynwedh a goedhas war y gledha, hag ev a verwis ganso.

1 Samuel 31:7

Pan welas gwer Ysrael esa a'n tenewen arall dhe'n nans ha'n re esa dres an Yordan, gwer Ysrael dhe fia, ha bos Sowl ha'y vebyon marow, i a forsakyas aga sitys, ha fia; ha'n Filistysi a dheuth ha triga ynna.