1 Samuel 31:4 - An Bibel Kernewek 20234 (Kernewek Kemmyn)

⁴ Ena Sowl a leveris dhe dheger y arvow, ‘Tenn dha gledha ha'm gwana ganso ma na dheffo an wer antrodreghys ma ha'm gwana ha gul ges ahanav.’ Mes ny vynnas deger y arvow; drefenn ev dhe berthi own yn feur. Rakhenna Sowl a gemmeras y gledha y honan hag ev a goedhas warnodho.

1 Samuel 31:4 Iomraidhean Croise

2 Samuel 1:1

Wosa mernans Sowl, pan dhehwelis Davydh dhiworth ladhva an Amalekysi, Davydh a wortas dew dhydh yn Siklag.

2 Samuel 1:14

Ha Davydh a leveris dhodho, ‘A ny berthsys own a ystynn dha dhorn dhe dhistrui untys an Arloedh?’

2 Samuel 1:20

Na wrewgh y leverel yn Gath, na wra y dhyllo yn stretow Ashkelon; ma na lowenhaho myrghes an Filistysi, ma na heudhhaho myrghes an re antrodreghys.

2 Samuel 1:6

Ha'n gour yowynk neb a dherivas orto a leveris, ‘Par happ yth esen war venydh Gilboa, hag ottena Sowl ow poesa war y wuw, ha'n charettow ha'n varghogyon ow tos nes dhodho.

2 Samuel 17:23

Pan welas Ahithofel na veu y gusul holys, ev a dhibras y asen ha sevel ha mones dh'y ji, dh'y sita, hag ordena y vayni, hag omgregi ha merwel, hag ev a veu ynkleudhys yn bedh y das.

2 Samuel 21:12

Davydh eth ha kemmeres eskern Sowl ha Yonathan y vab dhiworth gwer Yabesh-gilead, neb a's ladras dhiworth plen Beth-shan, le ma's krogas an Filistysi, wosa an Filistysi dhe weskel Sowl yn Gilboa.

1 Myghternedh 16:18

Pan welas Zimri bos kemmerys an sita, ev eth yn tour chi an myghtern; ev a loskas chi an myghtern warnodho y honan gans tan hag a verwis,

1 Myghternedh 16:27

An hwarvosow a wrug Omri, ha'n nerth a dhiskwedhas, a nyns yns i skrifys yn lyver kovadhow myghternedh Ysrael?

1 Kroniklys 10:4

Ena Sowl a leveris dhe dheger y arvow, ‘Tenn dha gledha ha gwan vy ganso, ma na dheffo an wer antrodreghys ma ha gul ges ahanav.’ Mes ny vynnas deger y arvow, drefenn ev dhe berthi own yn feur. Ytho Sowl a gemmeras y gledha y honan ha koedha warnodho.

Breusysi 14:3

Mes y das ha'y vamm a leveris dhodho, ‘A nyns eus benyn yn mysk dha gerens, po yn mysk oll agan pobel, bys may tegoedh dhis kavoes gwreg dhiworth an Filistysi antrodreghys?’ Mes Samson a leveris dh'y das, ‘Kav hi ragov, drefenn hi a'm ples.’

Breusysi 9:54

Distowgh ev a elwis dhe'n yonker deger y arvow hag a leveris dhodho, ‘Tenn dha gledha ha'm ladha, ma na leverrer yn ow hever, “Benyn a'n ladhas.” ’ Ytho an yonker a'n gwanas, hag y ferwis.

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’

1 Samuel 17:26

Davydh a leveris dhe'n wer esa sevys rybdho, ‘Pandr'a vydh gwrys rag an gour neb a ladh an Filistyas ma, ha kemmeres dhe-ves an meth dhiworth Ysrael? Rag piw yw an Filistyas antrodreghys ma may hyll ev defia luyow an Duw bew?’

1 Samuel 17:36

Dha was re ladhas lewyon hag orses; ha'n Filistyas antrodreghys ma a vydh kepar hag onan anedha, a-ban wrug ev defia luyow an Duw bew.’

1 Samuel 26:10

Hag yn-medh Davydh ynwedh, ‘Dell vew an Arloedh, an Arloedh a'n gwysk dhe'n dor; po y jydh a dheu dhe verwel; po ev a wra mos yn-nans yn batel ha merwel.

1 Samuel 31:5

Pan welas deger y arvow bos Sowl marow, ev ynwedh a goedhas war y gledha, hag ev a verwis ganso.