1 Samuel 31:3 - An Bibel Kernewek 20234 (Kernewek Kemmyn)

³ An vatel o poes erbynn Sowl; an sethoryon a'n kavas ha'y weskel hag ev a veu goliys meur.

1 Samuel 31:3 Iomraidhean Croise

Jenesis 49:23

An sethoryon a'n provokyas yn feur. Eskarogeth a's teva er y bynn;

2 Samuel 1:4

Ha Davydh a wovynnas orto, ‘Pandr'a hwarva? My a'th pys, lavar dhymm.’ Ev a worthybis, ‘An bobel a fias dhiworth an vatel, hag ynwedh lies anedha a goedhas ha merwel; ha Sowl ha'y vab Yonathan ynwedh a verwis.’

2 Samuel 1:6

Ha'n gour yowynk neb a dherivas orto a leveris, ‘Par happ yth esen war venydh Gilboa, hag ottena Sowl ow poesa war y wuw, ha'n charettow ha'n varghogyon ow tos nes dhodho.

2 Samuel 21:12

Davydh eth ha kemmeres eskern Sowl ha Yonathan y vab dhiworth gwer Yabesh-gilead, neb a's ladras dhiworth plen Beth-shan, le ma's krogas an Filistysi, wosa an Filistysi dhe weskel Sowl yn Gilboa.

1 Myghternedh 22:34

Mes neb gour a dennas y warak ha heb y wodhvos ev a weskis myghtern Ysrael yntra platyow y arvwisk ha'n lurik. Ev a leveris dh'y jaretter, ‘Treyl a-dro ha'm doen yn-mes a'n vatel, rag goliys ov.’

Amos 2:14

Ny vydh tyller dhe fia dhodho rag an den skav, ha'n den krev ny with y nerth, na ny yll an kasor omsawya.