1 Samuel 30:8 - An Bibel Kernewek 20234 (Kernewek Kemmyn)

⁸ Ha Davydh a wovynnas orth an Arloedh, ha leverel, ‘A wrav vy helghya an bagas ma? A wrav vy aga hachya?’ Ev a worthybis dhodho, ‘Helgh, rag ty a wra yn sur aga hachya ha heb falladow sawya an brisnoryon.’

1 Samuel 30:8 Iomraidhean Croise

Jenesis 14:16

Hag ev a dhaskavas oll y bythow hag ynwedh y vroder Lot ha'y bythow ev, ha'n benynes ynwedh ha'n bobel.

2 Samuel 5:19

Ytho Davydh a wovynnas orth an Arloedh, ha leverel, ‘A wrav vy mones yn-bann erbynn an Filistysi? A vynn'ta aga delivra a-berth y'm leuv?’ Ha'n Arloedh a leveris dhe Davydh, ‘Ke yn-bann; rag my a vynn yn hwir delivra an Filistysi a-berth y'th leuv.’

2 Samuel 5:23

Ha pan wovynnas Davydh orth an Arloedh, ev a leveris, ‘Ny edh yn-bann; ke a-dro a-dryv dhedha, ha deus warnedha a-dal an gwydh balsam.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Eksodus 15:9

‘An eskar a leveris, “My a wra siwya, my a wra tremena, my a rann an preydh, ow hwans a vydh lenwys gansa. My a denn ow kledha, ow dorn a wra aga distrui.”

Niverow 27:21

Hag ev a wra sevel a-rag Eleazar an oferyas, neb a wra govynn ragdho herwydh breus Urim a-rag an Arloedh; orth y er i a wra mos yn-mes, hag orth y er i a wra dos a-ji, hag ev ha mebyon Ysrael oll ganso, an kuntelles oll.’

Breusysi 20:18

An Ysraelysi a dhallathas mos yn-bann dhe Bethel, may hwovynnsons a Dhuw, ‘Piw ahanan a yn-bann yn kynsa rag batalyas orth an Benyaminysi?’ Ha'n Arloedh a worthybis, ‘Yuda a yn-bann yn kynsa.’

Breusysi 20:23

An Ysraelysi eth yn-bann hag a oelas a-rag an Arloedh bys y'n gorthugher; hag a wovynnas a'n Arloedh, ‘A dheun nes arta dhe vatalyas orth agan breder an Benyaminysi?’ Ha'n Arloedh a leveris, ‘Kewgh yn-bann er aga fynn.’

Breusysi 20:28

ha Finehas mab Eleazar mab Aron, a servya a-ragdha y'n dydhyow na) ow leverel, ‘A wren ni mos yn-mes unnweyth arta rag batalyas orth agan breder, an Benyaminysi, po a wren ni hedhi?’ An Arloedh a worthybis, ‘Kewgh yn-bann rag a-vorow my a's re yn agas leuv.’

Breusysi 8:4

Ena Gideon a dheuth dhe'n Yordan hag a dreusis, ev ha'n tri hans esa ganso, skwith ha nownek.

1 Samuel 10:22

Ytho i a wovynnas orth an Arloedh arta, ‘Eus gour hwath dhe dhos omma?’ Hag yn-medh an Arloedh, ‘Ottava, kudhys yn mysk an fardellow.’

1 Samuel 14:37

Ytho Sowl a wovynnas kusul a-dhiworth Duw, ‘A wrav vy mos yn-nans war-lergh an Filistysi? A vynn'ta aga delivra yn dorn Ysrael?’ Mes ny'n gorthybis an jydh na.

1 Samuel 23:2

Davydh a wovynnas orth an Arloedh, ‘A wrav vy mos ha gweskel an Filistysi ma?’ Ha'n Arloedh a leveris dhe Davydh, ‘Ke ha gwask an Filistysi, ha saw Keila.’

1 Samuel 23:4

Ena Davydh a wovynnas orth an Arloedh arta. Ha'n Arloedh a worthybis dhodho ha leverel, ‘Sav, Ke yn-nans dhe Keila; rag my a re an Filistysi a-berth y'th leuv.’

1 Samuel 28:6

Ha pan wovynnas Sowl orth an Arloedh, ny worthybis an Arloedh dhodho, na der hunrosow, na der Urim, na dre brofoesi.

1 Samuel 30:18

Davydh a dhaskavas pup-tra re gemmersa an Amalekysi; ha Davydh a sawyas y dhiw wreg.

1 Samuel 30:19

Ny veu travyth kellys, naneyl byghan na bras, naneyl mebyon na myrghes, na travyth a'n preydh re bia kemmerys; Davydh a dhaskavas pup-tra.