1 Samuel 30:6 - An Bibel Kernewek 20234 (Kernewek Kemmyn)

⁶ Ha Davydh o grevys yn feur; rag an bobel a gewsis a'y labydha, drefenn bos oll an bobel hwerow y'n enev rag aga mebyon ha myrghes. Mes Davydh a gavas nerth y'n Arloedh y Dhuw.

1 Samuel 30:6 Iomraidhean Croise

Jenesis 32:7

Ena Yakob a borthas own bras ha troblys veu; hag ev a rannas an dus esa ganso ha'n flokkys ha'n chatel ha'n kowrvergh yn dew vagas

2 Samuel 17:8

Rag ty a woer bos dha das ha'y wer kasoryon, ha'ga sorr dhe dhewi, kepar hag orses ledrys hy orsigow y'n gwel. Ynwedh dha das yw gour konnyk yn bresel, ha ny vynn tremena an nos gans y wer.

2 Myghternedh 4:27

Pan dheuth hi dhe wour Duw, dhe'n venydh, hi a synsis y dreys. Gehazi a dheuth nes rag hy herdhya dhe-ves. Mes gour Duw a leveris, ‘Gas hi, hwerow yw hy enev; an Arloedh re'n kudhas a-dhiworthiv ha ny'n leveris dhymm.’

Job 13:15

Kyn hwra ev ow ladha; yma govenek dhymm; byttegyns my a dhefend ow fordhow a-rag y fas.

Salmow 116:10

My a grysis, hwath pan leveris ‘Iselhes en vy yn feur.’

Salmow 138:3

Y'n jydh may helwis vy ty a worthybis dhymm, hag ynkressya nerth y'm enev.

Salmow 18:2

an Arloedh yw ow harrek, ha'm kastell, ha'm delivrer; ow Duw, ow harrek krev may hwilav skovva ynno, ow skoes, ha korn ow selwyans, ow dinas.

Salmow 18:6

Y'm anken my a elwis war an Arloedh, ha dhe'm Duw y kriis vy rag gweres. Ev a glewas ow lev yn-mes a'n tempel, ha'm kri a-dheragdho a dheuth bys yn y dhiwskovarn.

Salmow 25:17

Ankenyow ow holonn yw meur aga niver, tenn vy yn-mes a'm ankres.

Salmow 27:14

Gwra fydhya y'n Arloedh; bydh nerthek ha bedhes dha golonn konfortys; ha gorta an Arloedh.

Salmow 31:24

Bedhewgh krev ha bedhes agas kolonn konfortys, oll hwi a drest y'n Arloedh.

Salmow 42:11

Prag yth osta jy mar dhigolonnek, ow enev, ha prag yth hanesydh a-bervedh ynnov? Trest yn Duw, rag my a'n gormel prest, selwyans ow fas, ha'm Duw.

Salmow 42:5

Prag yth osta jy mar dhigolonnek, ow enev, ha prag yth hanesydh a-bervedh ynnov? Trest yn Duw; rag my a'n gormel prest rag selwyans y fas.

Salmow 42:7

Downder a elow dhe dhownder orth tros dha dhowrlammow; oll dha vordardh ha'th tonnow res eth dresov.

Salmow 56:11

yn Duw y trestyav, ny borthav own; pandr'a yll den dhe wul er ow fynn?

Salmow 62:1

Ow enev yn tevri a worta an Arloedh; dhiworto y teu ow selwyans.

Salmow 62:5

Ow enev, gorta Duw y honan, rag ynno ev yma ow govenek.

Salmow 71:4

Gwra ow delivra, A Dhuw, dhiworth leuv an tebelwas, dhiworth dorn an den kammhynsek ha didruedh.

Salmow 71:5

Rag ty yw ow govenek, A Arloedh Duw, ow fydhyans dhiworth ow yowynkneth.

Eksodus 17:4

Ytho Moyses a grias war an Arloedh, ‘Pandr'a wrav gans an bobel ma? Ogas parys yns dhe'm labydha.’

Lavarow Koth 18:10

Hanow an Arloedh yw tour krev, an den gwiryon a boen a-bervedh ynno hag yw saw.

Ysay 25:4

Ty re beu dinas dhe'n den gwann, dinas dhe'n den truan yn y ahwer, skovva rag an gowas ha goskes rag toemmder. Rag anall turans yw kepar ha kowas a-has erbynn fos.

Yeremia 16:19

A Arloedh, ow nerth, hag ow skons, ha'm skovva yn dydh an galar, an kenedhlow a wra dos dhis a-dhiworth pennow an nor, ha leverel: Yn sur agan tasow re eritas gowyow, euveredh ha traow heb les.

Yona 2:2

ow leverel, My a elwis y'm anken war an Arloedh, hag ev a worthybis dhymm; yn-mes a dorr ifarn y kriis vy rag gweres, ha ty a glewas ow lev.

Niverow 14:10

Mes oll an kuntelles a vynnas aga labydha gans meyn. Ena golewder an Arloedh a omdhiskwedhas yn tylda an kuntelles a-rag mebyon Ysrael oll.

Matthew 21:9

Ha'n routhow esa ow mos a-ragdho, ha'n re a'n siwya a armas ow leverel, ‘Hosanna dhe Vab Davydh, Benniges yw neb a dheu yn hanow an Arloedh, Hosanna y'n ughelder!’

Matthew 27:22

Yn-medh Pilat dhedha, ‘Pandr'a wrav vy orth Yesu yw gelwys Krist?’ I oll a leveris, ‘Bedhes krowsys!’

Yowann 8:59

Ena i a gemmeras meyn dhe dewlel orto; mes Yesu a omgudhas ha gasa an tempel.

Romanyon 4:18

Neb a grysi yn govenek dres govenek y to ha bos ‘an tas dhe genedhlow pals’, dell via leverys, ‘Yndella y fydh dha henedh.’

Romanyon 4:20

Ny'n gwre diskryjyans vyth mayth hokya a-dro dhe ambos Duw, mes y feu krevhes y'n fydh ow kormel Duw,

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

2 Korinthianys 1:6

Lemmyn mar perthyn ni galarow, a-barth agas konfort ha'gas selwyans yth yw; po mars on ni konfortys, a-barth agas konfort yth yw, hag a ober pan berthewgh hwi an keth galarow hag a wodhevyn ni ynwedh.

2 Korinthianys 4:8

yn-dann alar yn pub maner, nyns on ni yn ahwer; penndegys, nyns eson ni yn desper;

2 Korinthianys 7:5

Yn tevri, pan dheuthen ni yn Makedonia nyns esa dh'agan korf powes vyth, mes galar a berthsyn ni yn pub fordh; strifow a-ves ahanan, own a-ji dhyn.

Ebrowyon 13:6

Ytho, ni a lever yn kolonnek, ‘An Arloedh yw ow gwereser, ny'm bydh own; pandr'a yll den gul dhymm?’

Breusysi 18:25

An Danysi a worthybis, ‘Gwell vydh dhis na vo klewys dha lev yn agan mysk, poken gwer toemm aga sorr a omsett warnas, ha ty a gyll dha vewnans ha bewnans dha diogeth.’

Breusysi 20:22

Mebyon Ysrael a omgrevhas, hag arta i a arayas aga honan rag kas y'n keth tyller mayth araysens an kynsa dydh.

1 Samuel 1:10

Ha hi o grevys yn town hag a bysis war an Arloedh, hag oela yn hwerow.

1 Samuel 23:16

Yonathan mab Sowl a sevis, ha mos dhe Davydh yn Horesh, hag ev a grevhas y leuv yn Duw.

1 Samuel 28:15

Ena yn-medh Samuel dhe Sowl, ‘Prag y'm ankresys dhe'm dri yn-bann?’ Sowl a worthybis, ‘Yth esov yn ankres meur, rag yma an Filistysi ow patalyas orthiv, ha Duw re dreylyas dhe-ves ahanav ha ny worthyp dhymm namoy, na dre brofoesi na dre hunrosow; rakhenna my re'th helwis, may hyllydh leverel dhymm pandr'a wrav.’