1 Samuel 30:26 - An Bibel Kernewek 20234 (Kernewek Kemmyn)

²⁶ Pan dheuth Davydh dhe Siklag, ev a dhannvonas rann a'n preydh dh'y gowetha, henavogyon Yuda, ha leverel, ‘Otta ro ragowgh dhiworth preydh eskerens an Arloedh.’

1 Samuel 30:26 Iomraidhean Croise

Jenesis 33:11

Kemmer, my a'th pys, ow bennath yw dres dhiso, rag Duw re beu grassyes dhymm, hag yma dhymm pup-tra.’ Ev a ynnias warnodho, hag ev a'n kemmeras.

2 Samuel 1:1

Wosa mernans Sowl, pan dhehwelis Davydh dhiworth ladhva an Amalekysi, Davydh a wortas dew dhydh yn Siklag.

2 Myghternedh 5:15

Ena ev a dhehwelis dhe wour Duw, ev hag oll y gowethas, ha dos ha sevel a-ragdho ha leverel, ‘Lemmyn my a woer nag eus Duw yn oll an norvys, marnas yn Ysrael. Lemmyn kemmer, my a'th pys, ro dhiworth dha was.’

Salmow 35:27

Garmes yn lowen ha bedhes heudhik an re a lowenha y'm ewnder, ha prest leverens i, ‘Meur yw an Arloedh, neb yw hwansek dhe les y was.’

Salmow 68:18

Ty re yskynnas y'n ughelder, ty re hembronkas prisnoryon, ty re dhegemmeras rohow yn mysk tus, hag yn mysk an re worth, rag may trykko an Arloedh Duw ena.

Ysay 32:8

An den nobyl a dewl towlow nobyl, hag y'n taklow nobyl ev a sev.

2 Korinthianys 9:5

Rakhenna, dell dybis vy, res o pysi an vreder a vos yn-rag dhywgh dhe ordena a-brys an ro hel dedhewys genowgh; y'n fordh ma parys vydh avel ro hel, ha ny vydh avel neppyth kemmerys dre nerth.

1 Samuel 18:17

Ena Sowl a leveris dhe Davydh, ‘Otta ow hottha myrgh Merab, my a vynn hy ri dhis avel gwreg; mes bydh kolonnek ragov, ha batal batelyow an Arloedh.’ Rag Sowl a dybis, ‘Ny vynnav sevel ow leuv er y bynn, mes bedhes leuv an Filistysi warnodho.’

1 Samuel 25:27

Ha lemmyn bedhes an ro ma re dhros dha vaghteth dhe'm arloedh, res dhe'n wer yowynk neb a hol ow arloedh.

1 Samuel 25:28

My a'th pys, gav treuspass dha vaghteth; rag an Arloedh a wra yn sur rag ow arloedh chi sur, drefenn ow arloedh dhe vatalyas batelyow an Arloedh; ha ny vydh drog kevys ynnos oll dha dhydhyow.

1 Samuel 30:20

Ha Davydh a gemmeras oll an flokkys ha'n greow, hag i a's ledyas a-dherag an chatel erell, ow leverel, ‘Hemm yw preydh Davydh.’

1 Samuel 30:25

Hag yth o yndella dhiworth an jydh na yn-rag, ev a'n gwrug ordenans ha breus rag Ysrael bys y'n jydh hedhyw.