1 Samuel 30:20 - An Bibel Kernewek 20234 (Kernewek Kemmyn)

²⁰ Ha Davydh a gemmeras oll an flokkys ha'n greow, hag i a's ledyas a-dherag an chatel erell, ow leverel, ‘Hemm yw preydh Davydh.’

1 Samuel 30:20 Iomraidhean Croise

2 Kroniklys 14:15

Ynwedh i a omsettyas orth tyldow an re a's tevo chatel, hag i a dhegi dhe-ves deves pals ha kowrvergh. Ena i a dhehwelis dhe Yerusalem.

2 Kroniklys 20:25

Pan dheuth Yehoshafat ha'y bobel dhe gemmeres an preydh, i a gavas chatel pals, shour a dhaffar, dillas, ha taklow drudh, hag i a's pyllas ragdha aga honan bys pan na's tevo degi moy. Tri dydh yth esens ow pylla an preydh, drefenn y balster.

Ysay 53:12

Rakhenna my a re dhodho rann gans an tus vras, ha gans an tus alloesek ev a rann an preydh; rag ev a dhinewis y vewnans bys ankow, ha reknys veu yn mysk an dhrogoberoryon. Ev a dhug peghes tus pals, hag a bledyas a-barth an dhrogoberoryon.

Romanyon 8:37

Mes yn oll an taklow ma moy es tryghoryon on dredho ev neb a'gan kara.

1 Samuel 30:21

Ena Davydh a dheuth dhe'n dhew kans gour, neb o mar skwith ma na allsens holya Davydh, an re neb re bia gesys orth nans Besor. I eth yn-mes dhe vetya Davydh ha dhe vetya an bobel esa ganso. Pan dheuth Davydh nes dhe'n bobel, ev a's salusis.

1 Samuel 30:26

Pan dheuth Davydh dhe Siklag, ev a dhannvonas rann a'n preydh dh'y gowetha, henavogyon Yuda, ha leverel, ‘Otta ro ragowgh dhiworth preydh eskerens an Arloedh.’