1 Samuel 30:14 - An Bibel Kernewek 20234 (Kernewek Kemmyn)

¹⁴ Ni a wrug omsettyans war Negeb an Kerethysi ha war an pyth a wra Yuda y bewa ha war Negeb Kaleb; ha ni a loskas Siklag gans tan.’

1 Samuel 30:14 Iomraidhean Croise

2 Samuel 8:18

hag yth esa Benaya mab Yehoyada war an Kerethysi ha'n Pelethysi; ha mebyon Davydh o oferysi.

1 Myghternedh 1:38

Ytho Sadok an oferyas, ha Nathan an profoes, ha Benaya mab Yehoyada, ha'n Kerethysi, ha'n Pelethysi, eth yn-nans, hag a settyas Solomon dhe varghogeth war vul myghtern Davydh, hag i a'n dros dhe Gihon.

1 Myghternedh 1:44

Ha'n myghtern re dhannvonas ganso Sadok an oferyas, ha Nathan an profoes, ha Benaya mab Yehoyada, ha'n Kerethysi, ha'n Pelethysi, hag i a'n settyas dhe varghogeth war vul an myghtern.

1 Kroniklys 18:17

Benaya mab Yehoyada a'n jevo charj a'n Kerethysi ha'n Pelethysi; mebyon Davydh o penn-soedhogyon yn servis an myghtern.

Ezekiel 25:16

rakhenna yndellma y lever an Arloedh Duw, Awottavy owth ystynn ow leuv erbynn an Filistysi, hag ow treghi an Kerethysi, hag ow tistrui remenant an arvor.

Sefania 2:5

Go-i trigoryon an arvor, kenedhel an Kerethysi! Ger an Arloedh yw er agas pynn: A Kanan, bro an Filistysi, my a'th tistru ma na vydh triger gesys.

Yoshua 14:13

Yoshua a'n bennigas, hag ev a ros Hebron dhe Kaleb mab Yefunne rag eretons.

Yoshua 15:13

Dhe Kaleb mab Yefunne ev a ros eretons yn mysk mebyon Yuda, war-lergh gorhemmynn an Arloedh dhe Yoshua – Kiryath-arba, honn yw Hebron (Arba o tas Anak).

Yoshua 21:12

Mes i a rosa parkow an sita ha'y godrevow dhe Kaleb mab Yefunne rag y berghennogeth.

1 Samuel 25:3

Hanow an gour o Nabal, ha hanow y wreg Abigayl. An venyn o da hy honvedhes ha teg hy semlans, mes an gour o den kales ha drogoberer; ev o Kalebyas.

1 Samuel 30:1

Lemmyn pan dheuth Davydh ha'y wer dhe Siklag y'n tressa dydh, an Amalekysi a wrug omsettyans war an Negeb ha war Siklag. I a waskas Siklag, ha'y leski gans tan,

1 Samuel 30:13

Ena Davydh a leveris dhodho, ‘Dhe biw osta? A-ble os?’ Ev a worthybis, ‘Gour yowynk a Ejyp ov vy, gwas dhe wour a Amalek. Ow mester a'm gasas, drefenn my dhe vos yn klav nans yw trydydh.

1 Samuel 30:15

Yn-medh Davydh dhodho, ‘A vynnydh ow hemmeres yn-nans dhe'n bagas ma?’ Ev a worthybis, ‘To dhymm re Dhuw, na wre'ta ow ladha, na'm delivra a-berth yn leuv ow mester, ha my a wra dha dhri yn-nans dhe'n bagas ma.’

1 Samuel 30:16

Pan y'n drosa yn-nans, awotta, yth ens i lesys a-derdro war enep oll an dor, ow tybri hag owth eva, hag ow tonsya, drefenn an myns bras a breydh a gemmersens yn-mes a bow an Filistysi hag yn-mes a bow Yuda.