1 Samuel 30:12 - An Bibel Kernewek 20234 (Kernewek Kemmyn)

¹² hag i a ros dhodho tamm a desenn a figys ha diw desenn a rappys. Wosa dybri, y spyrys a dheuth arta dhodho; drefenn na dhyb'sa bara vyth nag eva dowr trydydh ha teyr nos.

1 Samuel 30:12 Iomraidhean Croise

Ester 4:16

‘Ke, kuntell oll an Yedhewon usi yn Shushan, ha gwrewgh penys ragov, ha na wrewgh hwi dybri nag eva tri dydh, nosweyth na dydhweyth: my ynwedh, ha'm maghtethyon, penys a wren ni yn kepar maner. Ena mos a-ji bys y'n myghtern a wrav kyn fo erbynn an lagha: ha mar pydhav distruys, distruys vydhav.’

Kynvannow 1:11

Hy fobel oll a gyn hag i ow hwilas bara; i a werth aga thresoryow rag boes may hwrellons dh'aga horf dasvewa. ‘Gwel, A Arloedh, ha mir, rag dispresys ov vy.’

Yona 1:17

An Arloedh a dhannvonas pysk bras dhe lenki Yona; ha Yona a veu yn torr an pysk tri dydh ha teyr nos.

Matthew 27:63

ow leverel, ‘Arloedh, yma kov dhyn an toeller na, pan o hwath yn few, dhe gewsel, “Wosa trydydh y hwrav dasserghi.”

Breusysi 15:19

Yndella Duw a folsas igor an pans usi yn Lehi, ha dowr a dheuth anodho, ha'y spyrys a dhasvewas. Ytho henwys o En-hakkore, usi yn Lehi bys y'n jydh hedhyw.

1 Samuel 14:27

Mes ny glewas Yonathan y das pan jarjyas ev an bobel gans an ti; hag ev a ystynnas an lorgh esa yn y dhorn, ha troghya an bleyn yn kribenn vel, ha gorra y leuv dh'y anow; ha'y lagas a veu splannhes.

1 Samuel 30:11

I a gevis gour ejyptek y'n gwel ha'y dhri dhe Davydh. I a ros bara dhodho hag ev a dhybris, hag i a ros dhodho dowr dhe eva;

1 Samuel 30:13

Ena Davydh a leveris dhodho, ‘Dhe biw osta? A-ble os?’ Ev a worthybis, ‘Gour yowynk a Ejyp ov vy, gwas dhe wour a Amalek. Ow mester a'm gasas, drefenn my dhe vos yn klav nans yw trydydh.