1 Samuel 3:17 - An Bibel Kernewek 20234 (Kernewek Kemmyn)

¹⁷ Yn-medh ev, ‘Pandr'yw an pyth a leveris an Arloedh dhis? My a'th pys na gudh ev a-dhiworthiv. Re wrello Duw yndella dhis ha moy ynwedh, mar kudhydh neppyth a-dhiworthiv a oll an taklow a leveris ev dhis.’

1 Samuel 3:17 Iomraidhean Croise

2 Samuel 14:18

Ena an myghtern a worthybis ha leverel dhe'n venyn, ‘Na with dhiworthiv, my a'th pys, travyth a wovynnav orthis.’ Hag yn-medh an venyn, ‘Gwres ow arloedh an myghtern kewsel.’

2 Samuel 19:13

Ha leverewgh dhe Amasa, “A nyns osta ow askorn ha'm hig? Re wrello Duw dhymm, ha moy ynwedh, mar ny vydhydh kaslewydh ow lu a-ragov prest yn le Yoab.” ’

2 Samuel 3:35

Ena oll an bobel a dheuth dhe wul dhe Davydh dybri boes pan o hwath dydh; mes Davydh a dos, ha leverel, ‘Yndella re wrello Duw dhymm, ha moy ynwedh, mar plasav bara po neppyth arall kyns an howl dhe sedhi!’

2 Samuel 3:9

Re wrello Duw yndella dhe Abner, ha moy ynwedh. Rag kepar dell dos an Arloedh dhe Davydh, an keth henna my a wra ragdho,

1 Myghternedh 22:16

Mes an myghtern a leveris dhodho, ‘Pes termyn yw res dhymm gul dhis ti may leverydh dhymm travyth mes an gwiryonedh yn hanow an Arloedh?’

2 Myghternedh 6:31

Hag ev a leveris, ‘Re wrello Duw yndella dhymm ha moy ynwedh, mar pes penn Elisha mab Shafat war y dhiwskoedh hedhyw.’

Salmow 141:5

Gwres den gwiryon ow gweskel, gwres den len ow rebukya. Na as dhe oyl an tebelwas untya ow fenn, rag ow fysadow a vydh prest erbynn aga drogoberow.

Yeremia 38:14

Ena Sedekia an myghtern a dhannvonas war-lergh Yeremia ha'y dhegemmeres orth tressa entrans chi an Arloedh. Ha'n myghtern a leveris dhe Yeremia, ‘My a wovynn neppyth ahanas; na gel travyth ahanav.’

Yeremia 42:4

Ena Yeremia an profoes a leveris dhedha, ‘My re'gas klewas: my a bys dhe'n Arloedh agas Duw war-lergh agas geryow, ha pypynag a worthyp an Arloedh my a lever dhywgh; ny withav travyth ahanowgh.’

Daniel 4:19

Ena Daniel, henwys Belteshassar, a veu skruthys pols, ha'y brederow a'n ownhas. An myghtern a worthybis ow leverel, ‘A Belteshassar, na vydh ownhes gans an hunros ha'y styr.’ Belteshassar a worthybis ow leverel, ‘Ow arloedh, re bo an hunros rag an re a'th kas, ha'y styr rag dha eskerens!

Mika 2:7

Yw chi Yakob milliges? Yw spyrys an Arloedh berrhes? Yw hemma y wriansow ev? A ny wra ow geryow gul da dhe seul a gerdh yn ewnhynsek?

Niverow 23:17

Hag ev a dheuth dhodho, hag otta, yth esa ow sevel ryb y offrynn leskys, ha pennsevigyon Moab ganso. Ha Balak a leveris dhodho, ‘Pandr'a leveris an Arloedh?’

Matthew 26:63

Mes Yesu a dewis. Hag yn-medh an arghoferyas dhodho, ‘My a wra dha gonjorya re'n Duw bew dhe leverel dhyn mars osta an Krist, Mab Duw.’

Ruth 1:17

Plepynag y ferwi y farwav, hag ena y fydhav ynkleudhys; hemma re wrello an Arloedh dhymm ha moy yn ta, mar kwra travyth saw ankow y honan gul dibarth yntra ty ha my.’

1 Samuel 14:44

Ha Sowl a worthybis, ‘Re wrello Duw yndella dhymm ha moy ynwedh; ty a verow yn sur, Yonathan.’

1 Samuel 20:13

Mes mar mynn ev gul drog dhis, re wrello an Arloedh yndella dhe Yonathan, ha moy ynwedh, mar ny'n deriv dhis, ha dha dhannvon dhe-ves, may hyllydh mones yn sawder. Re bo an Arloedh genes, kepar dell re beu gans ow thas.

1 Samuel 25:22

Re wrello Duw yndella ha moy ynwedh dhe eskerens Davydh mar kasav a oll a bew ev bys yn golow myttin kemmys hag unn gour neb a bis erbynn fos.’

1 Samuel 3:16

Hag Eli a elwis Samuel ha leverel, ‘Samuel, ow mab.’ Hag ev a worthybis, ‘Ottavy.’