1 Samuel 3:13 - An Bibel Kernewek 20234 (Kernewek Kemmyn)

¹³ Rag my re leveris dhodho, a verr spys my dhe vreusi y ji bys vykken, rag an kammweyth a wodhya, drefenn bos y vebyon ow molleth Duw, ha ny's lettyas.

1 Samuel 3:13 Iomraidhean Croise

1 Myghternedh 1:6

Ny wrug y das y geredhi bythkweth ow leverel. ‘Prag re wruss'ta yndella?’ Hag ynwedh ev o pur deg y semlans; hag ev a veu dineythys nessa wosa Absalom.

1 Myghternedh 2:44

Ynwedh an myghtern a leveris dhe Shimei, ‘Ty a woer y'th kolonn oll an drog a wrussys dhe Davydh ow thas; ytho an Arloedh a attal dha dhrog war dha benn dha honan.

2 Kroniklys 20:12

A agan Duw ni, a ny wredh breus warnedha? Rag ni yw dialloes erbynn an routh vras ma, re dheuth er agan pynn. Ny wodhon pyth dhe wul, mes yma agan dewlagas warnas.’

Lavarow Koth 19:18

Kessydh dha vab hedre vo govenek, na sett dha golonn war y vernans.

Lavarow Koth 29:15

An welenn ha'n geredh a re furneth, mes flogh gesys heb dyskybleth a dhre meth dh'y vamm,

Ekklesiastes 7:22

Rag ty a woer y'th kolonn, ty dha honan dhe villiga tus erell lieskweyth.

Ezekiel 18:30

Rakhenna my a'gas breus pubonan war-lergh y fordhow, a ji Ysrael, yn-medh an Arloedh Duw. Koedhewgh yn edrek ha treylyewgh agas honan dhiworth oll agas kammweythresow; ena ny vydh drogober dhywgh ken a drebuchya.

Ezekiel 7:3

Lemmyn an diwedh yw devedhys warnas ha my re dhannvonas ow sorr er dha bynn; ha my a'th vreus war-lergh dha fordhow, ha dha gessydhya rag oll dha daklow kasadow.

Yoel 3:12

Gwres an kenedhlow difuna, ha dos yn-bann dhe nans Yehoshafat; rag my a esedh rag breusi oll an kenedhlow a-derdro.

Matthew 10:37

Neb a gar tas po mamm moy agesov vy nyns yw gwiw dhymm, ha neb a gar mab po myrgh moy agesov vy nyns yw gwiw dhymm;

Dewteronomi 17:12

An gour a lavas disobaya an oferyas neb a sev dhe venystra ena dhe'n Arloedh dha Dhuw, po an breusyas – an gour na a verow. Yndella ty a garth an drog dhiworth Ysrael.

Dewteronomi 21:18

Mara'n jeffo gour mab gorth ha diwostydh, neb na woslow lev y das na lev y vamm, ha pan y'n kessydhyons ny woslow orta,

1 Yowann 3:20

Rag mara'gan kuhudh agan kolonn ni, Duw yw brassa ages agan kolonn, hag a woer pup-tra.

1 Samuel 2:12

Lemmyn mebyon Eli o mebyon Belial; ny aswonnens an Arloedh.

1 Samuel 2:17

Yndella peghosow an wer yowynk o pur vras yn golok an Arloedh; rag an wer a dhyghtya gans bismer offrynn an Arloedh.