1 Samuel 29:4 - An Bibel Kernewek 20234 (Kernewek Kemmyn)

⁴ Mes kaslewydhyon an Filistysi o serrys ganso; hag yn-medh dhodho kaslewydhyon an Filistysi, ‘Gwra dhe'n gour dehweles, may hallo dehweles dhe'n tyller re beu apoyntys ragdho. Na wres ev mones yn-bann genen dhe'n vatel, rag own ev dhe dhos ha bos eskar dhyn y'n vatel. Rag fatell allsa an gwas ma gwaynya favour y arloedh marnas y fo gans pennow an wer ma?

1 Samuel 29:4 Iomraidhean Croise

1 Kroniklys 12:19

Re a loeth Manasse a gilfias dhe Davydh pan dheuth ev gans an Filistysi rag omladh erbynn Sowl. (Ny's gweresas ev, rag gwahalyethow an Filistysi a omgusulyas ha'y dhannvon dhe-ves ow leverel, ‘Orth peryll dh'agan penn vydh mar kilfi dh'y vester Sowl.’)

1 Kroniklys 12:20

Pan eth Davydh dhe Siklag an re ma a Manasse a gilfias dhodho: Adnagh, Yozabad, Yediael, Mighal, Yozabad arall, Elihu, ha Sillethay, pennow a vilyow yn Manasse.

Eksodus 1:10

Dewgh, gwren yn fur gansa ma na liesplekhahons, hag y hyll hwarvos, bresel mar teffo, i ynwedh dhe junya gans an re a'gan kas, hag omladh er agan pynn, ha diank a'n tir.’

Luk 16:8

Ha'n mester a gommendyas an rennyas dislel, rag ev dhe wul yn fur. Rag mebyon an bys ma yw moy doeth a-dro dh'aga hevoesogyon es dell yw mebyon an golow.

1 Samuel 14:21

Lemmyn an Ebrowyon esa gans an Filistysi kyns an termyn na, an re neb eth yn-bann gansa a-ji dhe'n kamp, a dreylyas ha junya an Ysraelysi esa gans Sowl ha Yonathan.

1 Samuel 27:6

Ena Akish a ros dhodho Siklag y'n jydh na; rakhenna myghternedh Yuda re bewva Siklag bys y'n jydh hedhyw.

1 Samuel 29:9

Akish a worthybis dhe Davydh ha leverel, ‘My a woer dha vos divlam y'm golok, kepar hag el Duw; byttegyns, kaslewydhyon an Filistysi re leveris, “Ny wra ev mones yn-bann genen dhe'n vatel.”

1 Samuel 30:1

Lemmyn pan dheuth Davydh ha'y wer dhe Siklag y'n tressa dydh, an Amalekysi a wrug omsettyans war an Negeb ha war Siklag. I a waskas Siklag, ha'y leski gans tan,