1 Samuel 29:3 - An Bibel Kernewek 20234 (Kernewek Kemmyn)

³ Yn-medh kaslewydhyon an Filistysi, ‘Pyth usi an Ebrowyon ma ow kul omma?’ Akish a worthybis dhe gaslewydhyon an Filistysi, ‘A nyns yw hemma Davydh, gwas Sowl myghtern Ysrael, neb re beu genev lemmyn an dydhyow ma ha'n blydhynyow ma? Ny gevis fowt vyth ynno a-ban gilfias dhymm bys y'n jydh hedhyw.’

1 Samuel 29:3 Iomraidhean Croise

Jenesis 14:13

Ena y teuth unn dianker ha leverel hemma dhe Abram an Ebrow, esa trigys ryb derow Mamre; Amoryas o ev, broder Eshkol ha broder Aner, hag yth ens i keffrysysi Abram.

1 Kroniklys 12:19

Re a loeth Manasse a gilfias dhe Davydh pan dheuth ev gans an Filistysi rag omladh erbynn Sowl. (Ny's gweresas ev, rag gwahalyethow an Filistysi a omgusulyas ha'y dhannvon dhe-ves ow leverel, ‘Orth peryll dh'agan penn vydh mar kilfi dh'y vester Sowl.’)

1 Kroniklys 12:20

Pan eth Davydh dhe Siklag an re ma a Manasse a gilfias dhodho: Adnagh, Yozabad, Yediael, Mighal, Yozabad arall, Elihu, ha Sillethay, pennow a vilyow yn Manasse.

Daniel 6:5

Ena y leveris an wesyon na, ‘Ny wren kavoes skila rag krodhvol war Daniel, marnas ni dh'y havoes ow tochya lagha y Dhuw.’

Yowann 19:6

Ytho pan y'n gwelas an bennoferysi ha'n soedhogyon, i a armas, ‘Krowsy e, krowsy e!’ Yn-medh Pilat dhedha, ‘Kemmerewgh e agas honan ha'y growsya; rag ny welav ken er y bynn.’

Romanyon 12:17

Na attelewgh drog dhe dhenvyth orth drog; prederewgh a daklow da a-rag tus oll;

1 Peder 3:16

mes gans klorder hag own, ow kwitha kowses da, may fons i shamys neb a gabel agas bewedh da yn Krist, pan gewsons er agas pynn.

1 Samuel 14:11

Ha'n dhew anedha a dhiskwedhas aga honan dhe savla-goelyadoryon an Filistysi; ha'n Filistysi a leveris, ‘Ottomma Ebrowyon ow tos yn-mes a'n tell mayth omgudhsons ynna.’

1 Samuel 25:28

My a'th pys, gav treuspass dha vaghteth; rag an Arloedh a wra yn sur rag ow arloedh chi sur, drefenn ow arloedh dhe vatalyas batelyow an Arloedh; ha ny vydh drog kevys ynnos oll dha dhydhyow.

1 Samuel 27:1

Davydh a brederis yn y golonn, ‘Lemmyn, my a verow unn jydh dre leuv Sowl; nyns eus travyth gwell ragov marnas diank hware dhe bow an Filistysi; ena Sowl a hedh dhe'm hwilas pella a-ji dhe oryon Ysrael, ha my a dhienk mes a'y leuv.’

1 Samuel 27:7

Niver an dydhyow mayth esa Davydh trigys yn pow an Filistysi o blydhen ha peswar mis.

1 Samuel 29:6

Ena Akish a elwis Davydh ha leverel dhodho, ‘Dell vew an Arloedh, ty re beu ewnhynsek, hag y'm golok yth hevel ewn dhymm ty dhe vones yn-mes ha dones a-ji genev y'n lu; rag ny gevis drog vyth ynnos a-dhia'n jydh may teuthys dhymm bys y'n jydh hedhyw. Byttegyns nyns osta da yn dewlagas an wahalyethow.

1 Samuel 4:6

Ha pan glewas an Filistysi son an arm, yn-medhons, ‘Pyth yw styr an arm vras ma yn kamp an Ebrowyon?’ Pan wodhva y tothya argh an Arloedh y'n kamp,