1 Samuel 28:7 - An Bibel Kernewek 20234 (Kernewek Kemmyn)

⁷ Ena yn-medh Sowl dh'y wesyon, ‘Hwilewgh ragov nygromonsores, may hallav mos dhedhi, ha govynn orti.’ Y wesyon a leveris dhodho, ‘Otta, yma nygromonsores yn Endor.’

1 Samuel 28:7 Iomraidhean Croise

2 Myghternedh 6:33

Pan esa hwath ow kewsel orta, otta, an myghtern a dheuth yn-nans dhodho ha leverel, ‘Dhiworth an Arloedh yw an trobel ma. Prag y tal dhymm gortos an Arloedh pella?’

1 Kroniklys 10:13

Sowl a verwis drefenn y vos dislen dhe'n ARLOEDH. Ny withas ger an Arloedh hag ynwedh ev a hwilas kusul dhiworth nygromons,

Salmow 83:10

neb a verwis yn Endor, ha dos ha bos avel teyl rag an dor.

Ysay 19:3

Spyrys Ejyp a fyll a-ji dhodho; my a dhiswra y gusul; i a hwila an idolys ha spyrysyon an re varow, an nygromonsoryon ha'n goelyogyon.

Levitikus 19:31

Na dreylyewgh dhe nygromons, ha na hwilewgh koelyogyon, dhe vos defolys gansa. An Arloedh ov vy.

Habakkuk 2:3

Rag an welesigeth yw hwath rag termyn apoyntys; hi a fisten dhe'n diwedh, ha ny wowlever: kyn hok hi, rag hi a dheu yn surredi, ny dhelat hi.

Oberow 16:16

Ha dell hwarva, ha ni ow mos dhe'n tyller a bysadow, unn vaghteth ha gensi spyrys a dhewinieth a dheuth er agan pynn, neb a dhri meur a wayn dh'y mestrysi ow targana fortunyow.

Dewteronomi 18:11

na huder, na mayn, na koelyek, na nygromonser.

Yoshua 17:11

Yn Yssakar hag Asher, yth o dhe Manasse Beth-shean ha'y threvow, Ybleam ha'y threvow, trigoryon Dor ha'y threvow, trigoryon En-dor ha'y threvow, trigoryon Taanak ha'y threvow, ha trigoryon Megiddo ha'y threvow (an tressa yw Nafeth).

1 Samuel 28:3

Lemmyn Samuel o marow, hag oll Ysrael a gynis ragdho, ha'y ynkleudhyas yn Rama, y sita y honan. Sowl re bellhasa an nygromonsoryon ha'n goelyogyon mes a'n pow.