1 Samuel 28:23 - An Bibel Kernewek 20234 (Kernewek Kemmyn)

²³ Mes ev a skonyas, ha leverel, ‘Ny vynnav dybri.’ Mes y wesyon, war-barth gans an venyn, a ynnias warnodho; hag ev a woslowas orth aga lev. Ytho ev a sevis a-dhiwar an dor hag esedha war an gweli.

1 Samuel 28:23 Iomraidhean Croise

1 Myghternedh 21:4

Ahab a dhehwelis dhe dre yn poes ha digolonnek drefenn an pyth a leveris dhodho Naboth an Yezreelyas; rag ev re leveris, ‘Ny rov dhis eretons ow thasow.’ Ev a wrowedhas war y weli, treylya dhe-ves y fas, ha ny vynna dybri.

2 Myghternedh 4:8

Unn jydh yth esa Elisha ow tremena dre Shunem hag yth esa benyn wolusek ena a ynnia warnodho dybri bara. Ytho peskweyth may tremena ev dredhi, ev a dreylya di rag dybri bara.

2 Myghternedh 5:13

Mes y wesyon a dheuth dhodho ha leverel, ‘Ow thas, mara'th pyssa an profoes a wul neppyth kales, a ny wrusses y wul? Pygemmys moy pan lever ev dhis, “Omwolgh ha bydh glan”?’

Ester 1:6

Yth esa kroglennow a goton wynn ha pann glasrudh, kelmys gans kerdyn a lien fin ha purpur orth kylghyow a arghans ha kolovenyow a varbel. Yth esa growedhvaow a owr hag arghans war leur a veyn gwyrdh, marbel, askell ha meyn glaswyrdh.

Lavarow Koth 25:20

Avel onan a dhiwisk kweth yn dydh yeyn, hag avel aysel dinewys war woli, yw kaner a ganow dhe golonn drist.

Ezekiel 23:41

Ty a esedhas war weli splann, gans moes pareusys a-ragdho may settsys warnedhi ow ynkys ha'm olew.

Luk 14:23

Ena yn-medh an mester dhe'n kethwas, “Ke dhe-ves bys y'n fordhow ha'n keow ha'ga honstryna dhe dhos a-ji, rag may fo ow chi lenwys.

Luk 24:29

Mes i a ynnias warnodho ow leverel, ‘Trig genen, rag nammnag yw gorthugher, hag yma'n jydh lemmyn ow sedhi.’ Ytho ev eth a-ji dhe driga gansa.

Oberow 16:15

Ha pan veu besydhys ha gensi hy mayni, hi a'gan pysis, ow leverel, ‘Mar synsowgh hwi ow bos lel dhe'n Arloedh, dewgh dhe ostya y'm chi’; ha hi a ynnias warnan.

2 Korinthianys 5:14

Rag kerensa Krist a'gan stroeth, drefenn agan kryjyans dhe vos ha bos fyrv y ferwis onan a-barth oll, rakhenna oll re verwis;

1 Samuel 28:22

Lemmyn rakhenna, my a'th pys, goslow ynwedh orth lev dha vaghteth; ha gas vy dhe settya tamm a vara a-dheragos. Deber, may kevydh nerth, pan edh war dha fordh.’