1 Samuel 28:14 - An Bibel Kernewek 20234 (Kernewek Kemmyn)

¹⁴ Yn-medh ev dhedhi, ‘Pyth yw y semlans?’ Hi a worthybis, ‘Yma gour koth ow tos yn-bann; ev yw maylys yn mantell.’ Yndella Sowl a wodhya y vos Samuel, hag ev a goedhas dhe'n dor gans y fas dhe'n leur, hag omblegya.

1 Samuel 28:14 Iomraidhean Croise

1 Myghternedh 19:19

Ytho ev a dhibarthas alena, ha kavoes Elisha mab Shafat, esa owth aras. Yth esa dewdhek yew a oghen a-ragdho, hag yth esa ev gans an dewdhegves. Elias a'n tremenas ha tewlel y vantell warnodho.

2 Myghternedh 1:7

Hag ev a leveris dhedha, ‘Py par gour o hag a dheuth dhe vetya orthowgh ha leverel hemma dhywgh?’

2 Myghternedh 2:8

Elias a gemmeras y vantell hag ev a's rolyas ha frappya an dowrow gensi. An dowr a veu diberthys dhe'n eyl tenewen ha dh'y gila mayth eth an dhew a-dreus war dir sygh.

1 Samuel 15:27

Ha pan dreylyas Samuel dhe vones dhe-ves, Sowl a settyas dalghenn yn lostenn y vantell, ha'y skwardya.

1 Samuel 24:8

Ena Davydh a sevis ha mos yn-mes a'n kav ha gelwel war-lergh Sowl, ow leverel, ‘Ow arloedh an myghtern.’ Ha pan dreylyas Sowl war-dhelergh, Davydh a blegyas gans y fas troha'n leur, ha plegya dhe'n dor.

1 Samuel 28:13

Yn-medh an myghtern dhedhi, ‘Na borth own; pandr'a welsys?’ Yn-medh an venyn dhe Sowl, ‘My re welas duw ow tos yn-bann mes a'n dor.’